Wa Sarabyin Leo XIV gaw, Nu Maria zawn kam sham na matu, Hkristu hpe anhte a prat hta hkap tau la na matu, December 8 ya bat langai shani Nu Maria a Npawt mara n kap ai ‘Na-um Na-sin poi’ Angelus munnga hta, kam sham ai hpung masha ni hpe saw shaga dat ai.
Wa Sarabyin gaw, kam sham ai ni hpe Chyoi Pra ai Nu Maria zawn Karai Kasang hpe kam sham na matu n-gun jaw ai, “Sasana magam bungli hpe myit galu kaba hte shawang tsawra myit hte daw jau na matu Madu anhte hpe shaga la nga ai
Immaculate Conception: Nu Maria hpe na-um nasin byin ai aten kaw nna, yubak mara kaw na makawp maga ya ai hpe Nawku hpung gaw dai hpe shakawn shagrau ai poi rai nga ai.
Nu Maria a “Yes”ngu ai ga si: Karai Kasang a masing hta Nu Maria a “mai sa” ngu nna shi hpe jaw ya ai chyeju hpe hkap la ai lam gaw, yawng a matu kasi ningli tai nga ai lam hpe Wa Sarabyin ahkyak shatai tsun da nga ai. Shi gaw kam sham ai ni hpe akyu hpyi ai hte tsawra myit hte daw jau ai amu ni hku nna shani shagu Karai kasang hpe”mai sa” ngu na matu n-gun jaw ai, Hkristu hpe shara shagu hta chye chyang hkap tau la na ahkang jaw ra ai.
Karai Kasang a chyeju kumhpa hte anhte a freedom: Karai Kasang gaw Nu Maria hpe jaw ai chyeju zawn re ai kumhpa kaba ni hpe jaw ya ai raitim, dai ni hpe hkap la na matu feedom jaw da ai lam hpe Wa Sarabyin Leo madi madun da nga ai. Nu Maria a freedom gaw chyeju hkam la na matu lam hpaw ya ai lam rai nga ai.
Kashin Kamun a Ahkyak Ai Lam: Nu Maria na-um nasin byin wa ai lamik kumla gaw kam sham ai ni a matu kashin kamun sakramentu hta ningnan bai byin wa ai lam rai nna, dai kaw anhte gaw shawng nnan na yubak mara kaw na jasan jaseng hkrum nna Karai Kasang a kashu kasha ni tai wa ai lam Wa Sarabyin tsun da nga ai. Kashin kamun hkam la ai gaw Yesu hpe anhte hkum hta nga shangun nna, Nawku Hpung a sasana magam hta shanglawm galaw na ahkaw ahkang hpe jaw da nga ai.
Wa Sarabyin gaw, shana maga de Roma mare na Spanish Steps (Piazza di Spagna) Nu Maria sumla hpe hkungga jaw na lam, kam sham ai hpung masha ni hpe saw shaga let shi a mungga hpung dim dat ai.