December 10, bat masum ya shani na General Audience hta, Wa Sarabyin Leo XIV gaw, “Hkristu a hkrung rawt ai lam hte dai ni na mungkan a mayak mahkak lam ni” ngu ai ga baw hte, Hkristu a hkrung rawt ai lam a atsam hpe chye na na matu hte, prat a lachyum nnan tam na matu, si hkrung si htan hpe myit sumru ra ai lam hpe madung tawn nna, sharin shaga lai wa ai.

Si hkrung si htan hpe myit sumru yu na matu ahkyak ai: Si hkrung si htan hpe myit sumru ai gaw anhte a prat hta anhte teng sha ra sharawng ai lam hpe lata la lu na matu karum ya nna, htani htana prat a matu hkyen lajang ya ai lam hpe Wa Sarabyin ahkyak shatai tsun da nga ai. Tengman ai sak hkrung lam a makoi magap da ai lam gaw, “Sumsing Mungdan de teng sha hpa baw la sa ra ai hpe anhte chye na hkra akyu hpyi ra ai, n ra ai lam ni hpe tawn kau da nna, lai wa sai lam ni hte matut mahkai nga ai” ngu ai lam re.

Si hkrung si htan hpe pat hkum da ai lam: Lai wa sai aten na htunghking ni hta si ai hpang na prat hte seng ai htung lailen ni hpe hkap la ai hte n bung ai sha, daini na shinggyim wuhpawng gaw si hkrung si htan hpe hkum pat da ai lam hpe mu mada ai—tsan tsan kaw tawn da ra ai, lupwa langai zawn koi gam nga ai hpe mu mada ai.

Hpaji masa hte n si n mat ai lam: Wa Sarabyin Leo XIV gaw, hpaji masa hku nna asak hpe galu kaba shangun ai ‘transhuman scenario’ zawn re ai, daini na aten na ningmu ni hpe madi madun dan ai. Hpaji masa gaw si hkrung si htan hpe teng sha dang kau lu na kun, n si n mat ai asak hkrung lam gaw ngwi pyaw lam lu na kun ngu ai hpe san jep yu ra ai.

Shinggyim masha ni hta atsam n nga ai: Shinggyim masha ni gaw shanhte a si hkrung si htan hpe laklai ai hku chye na ai majaw, shanhte hpe “paradoxical, n pyaw hpa lam ni” byin shangun ai. Ndai lam gaw, atsam n nga ai hte rau, si hkrung si htan a ga san kaw nna dip sha roi sha ai lam hte existential flights de du shangun chye ai.

Mahtai gaw Hkrung rawt ai lam rai nga ai: Hkristu a Hkrung rawt ai lam gaw mahtai jaw ya ai, si hkrung si htan gaw asak hpe ninghkap ai lam n re ai sha, dai hpe npawt nhpang tawn da ai daw langai mi re, htani htana asak de sa wa ai lam re ai hpe madun dan nga ai.

Hkrung rawt wa sai Hkristu a nhtoi hta, anhte a myit mada shara hpe madi shadaw ya nga ai: si hkrung si htan gaw jahtum n rai, “nhtoi hpring tsup ai de, ngwi pyaw ai htani htana prat de” lai wa ai lam rai nga ai. Hkrung rawt ai wa Hkristu gaw anhte shawng de sa wa nna, si hkrung si htan hpe dang kau nna, “htani htana hkring sa shara” hpe hkyen lajang ya sai.

A Sister, Not an End: Yesu a hkrung rawt ai lam hpe myit mada let si hkrung si htan hpe ala nga ai gaw “htani htana mat mat na hkrit tsang ai lam kaw na anhte hpe makawp maga ya nna, n htum n wai ai asak hkrung lam, kabu gara lam a matu hkyen lajang ya nga ai.”