Htai Ya Ai Wa – Wa Jau Dr. Joseph Gawlu Yung Wa

Ga San –  Anhte Nawku Hpung kaw na ka shapraw dat ai Jubali Akyu hpyi laika hta ka da ai – Anhte a Hpuba Yesu- nga ai ndai gaw hpa lachyum re ai kun? Chyum Laika kaw na la da ai kun?

Htai – Hebre 2:11 hta “Madu Yesu gaw anhte hpe shi a kanau ni nga nna shamying na n gaya nga ai” nga nna rawng nga ai;

Roma 8:9 hta “Karai Kasang e shaga la hkrum ai ni gaw Shi a Kasha Yesu the bung pre wa ai, dai majaw Yesu gaw shi a kanu ni hta shawng shaprat ai Kasha alat rai nga ai” nga nna tsun dai nga ai.  Karai Kasang hpe kam sham ai ni yawng gaw Yesu the rau hkringhtawng dagraw hkam la ai ni rai ma ai.

Mark 3:34-35 hta, Madu Yesu mungga hkaw tsun nga ai aten hta, shi a mungga hpe madat nga ai ni hpe “Karai Kasang a mungga hpe madat la nna, Shi mit ra ai hpe hkan shadik ai ni gaw, nye a kanu, kanau ni rai nga ai” ngu nna tsun ai.

Madu Yesu shi a kasa ni, sape ni hpe Karai Kasang the shakren ai shaloi mung, “Nye Wa the, nanhte a Kawa; Nye Karai Kasang the nanhte a Karai Sasang hpang de ngai bai wa na” ngu nna tsun ai. 

Anhte kam sham ai Hpung masha ni gaw Karai kasang a tsaw ra ai kasha ni rai ga ai the maren Madu Yesu a tsaw ra ai kanau ni mung rai nga ga ai.  Wa Sarabyin gaw dai lachyum hpe la nna “Yesu anhte a Hpu Ba” ngu nna lang ai rai nga ai.

SAN AI WA – Shuili Jau Gyinwang, Loi Lung ninghtawn, Uteng Pa mare kaw na slg Peter Zinghtung Awng