TARA RAP RA ai ngu ai gaw kaga masha ni hpe jaw ging ai hpe jaw ai lam re.
Karai Kasang hte htingbu wa hpe jaw ging ai hpe tut nawng, ngang kang ai myit masin jaw mayu ai kaja ai akyang lailen rai nga ai. CC, 1807
N tsa lam Tara rap ra lam hpe yu ga nga yang…
Tara rap ra ai ngu ai gaw Karai Kasang hte Masha, Karai Kasang a Hpan da ai ni hte tengman ai hku hkau lam hpe tsun ai rai nga ai. Dai hku hkau lam ni hta na langai ngai hten za mat ai shaloi, n tara ai lam byin pru wa ai.
kaning zawn re ai hku hkau lam re kun?
1) Karai Kasang hpe: Na a madu Karai Kasang hpe na a myit masin wenyi mahkra, na a myit masin & n-gun atsam mahkra hte tsawra nga u.
2) Masha ni hpe: Shinggyim masha shagu – la, num, ma, manang, hpyen – kaga hkum langai zawn tsawra nna, matsan mayan, yu kaji hkrum ai, dip gamyet sha hkrum ai ni hpe laksan myit dum let tsawra u.
3) Mungkan ga hpe: hkungga lara ai hte, manu shadan ai hte, kumhpa kaba hku nna, Karai Kasang a hkrang bung sumla hku nna tsawra lanu lahku u.
+Tara rap ra ai lam gaw dan dawng dik htum arawn alai langai rai nga ai. Ma kaji ni pyi ginsup ai lam hta n tara ai hpe chye na ai. Kumhpa garan jaw ai lam hta. Dai majaw, Tara kanu lam Shi yawng gaw tara rap ra ai lam hte seng nga ai.
Anhte a aten hta “Nawku hpung a shinggyim nga pra masa the seng nna sharin shaga ai” gaw ‘Rerum Novarum’ kaw nna hpang nna & ‘Gaudium et Spes’ du hkra ahkyak ai laika buk law law hta tara rap ra ai lam a npawt tara ni hpe gyin shalat ka da nga ai.
Kade nna ai lai wa sai aten hta, Sinpraw Uropa hta Marxism hkrat sum mat ai hpang, ya aten na mungkan masa hpe yu yang, ndai shinggyim nga pra masa tara rap ra lam hte seng ai sharin achyin ai lam hpe ‘Centesimus Annus’ hta ginhpawm tsun dan da ai.