Daini na Ja Chyum Mungga hpe hti sumru yu ai shaloi e, Yesu Maria Yoseph hkan nu wa ni Nazaret mare de N htang wa ai lam na la lu ga ai. Yawhan tsun ai gaw Hkastu a marang e sak hkrung nga ga. Mungkan a ra marin ai lam hta n rai, Karai Kasang a ra sharawng ai hte maren sak hkrung nga na matu n gun jaw da nga ai. Lani hte lani grau grau n na, Karai hpe myit kraw lawang kata hta chye wa n na, shi lam madun ai hku sak hkrung nga sa ga lam madun ya sai. Ngrin ai mung kan lam ni hta tinang a prat hpe gaw gap ai n re ai sha, tut grin nga ai Karai Kasang kaw prat hpe gaw gap sa ga.

Ya daini na kabu gara shiga hta, a sak gawng kung sai gaida num langai hte ga shadawn tsun ai hta, shi gaw asak kaba sai zawn, wenyi lam hta mung hkumzup kungkyang ai jan re. Asak (40) du hkra gaida da ai prat hte nawku htingnu kata hta, lusha gam akyu hpyi let, Karai Kasang hpe daw jau nga ai wa re. Du sa na Hkyela Madu hpe ala let, shakut nga ai mung re. Dai majaw shi hkum nan Hkyela Madu hpe nawku htingnu hta e, myit chyaw hkrum lu sai. dai majaw, Hkyela Madu hpe hkrum lu ai shaloi kabu aw law ai. Ndai Madu Yesu gaw anhte a Hkyela Madu re ngu kaga masha ni hpe mung tsun dan nga ai. Anhte mung shi zawn wenyi lam hta e, kalu kaba hkum zup sadi dung ai hkristan ni byin tai hkra kyu hpyi shakut sa nga ga law.