Daini na Ja Chyum Mungga hpe hti sumru yu ai shaloi e, Yesu hka nawng ntsa e hkawm sa ai. Madu Yesu gaw Namukdara ni a madu rai nga ai hpe kasa ni tsun da nga ai. Grai ja ai hka leng a lapran e kasa ni hkrit kajawng let hkawm sa nga ma yang, shanhte makau Hka  ntsa e Madu Yesu lai wa ai. Ndai mabyin ni a majaw, lak lai ai Karai Kasang rai nga ai hpe madun ya ai nan re. Shani shagu na prat a laru ni hte hkrum katut nga ai shaloi e, anhte a makau grup yin hta e, tut garum shingtau na matu a la taw nga ai Madu Yesu kaw sa garum hpyi ga sai kun. Anhte myit sumru yu mai nga ai.

Anhte ni kam sham myit hte shi Madu kaw sa shingbyi yang, “Hkum hkrit mi, nanhte hte rau sha nga nga nngai, ngu ai n’gun jaw ga hpe anhte hkam sha lu na rai nga ga ai. Lam shagu gaw, Karai Kasang a yaw shada ai lam hte shi a hpung shingkang hte n pu hta nga nga ga ai. Anhte a shim lum lam a matu, Karai Kasang gaw tut e makawp maga ya nga ai. Dai majaw Karai Kasang a makawp maga yu lanu lahku ya nga ai npu kaw e, tinang a hkum hpe ap nawng daw jau sa nga ga law.