Daini na Ja Chyum Mungga hpe hti sumru yu ai shaloi e, Galile mungting hta Karai a mungdan lam Yesu hkaw tsun hpang ai. Shaloi Nazaret mare masha ni Yesu hpe n hkap la ma ai lam na lu ga ai. Madu Yesu gaw myit htoi Elia a chyum mungga hpe hti yu ai shaloi e, Ya nanhte na lu ai chyum mungga gaw, daini e pyi hkum tsup wa sai rai, ngu tsun dat ai. Dai gaw Madu Karai Kasang a mungdan gaw ninghtoi de du wa sai ngu ndau shana dat ai lam re. Bai tinang mung kaning re ai Mesia re ngu ai hpe mung tsun hpaw dan ai lam re.

Shi gaw teng man jet ai, shalawt ya lu na lam hpe jaw na wa mung, shi nan sha re ai hpe tsun dan nga sai. Raitim dai ten na Yuda masha ni gaw, Madu Yesu hpe Hkyela madu ngu n lu hkap la nga ma ai. Shanhte gaw Madu Yesu a Kanu yan Kawa hpe chye taw nga ai majaw, dai zawn re ai jau man masha kaw na Mesia hkyela madu shangai na n mai byin ai. Shanhte myit mada da ai Mesia hkyela madu hte grai nan shai taw nga ai, nga nna Madu Yesu hpe ninghkap taw nga ma ai. Mesia hpe myit hte mu let n kam Yuda masha ni hta, n mu lu tim kam sham ai ni anhte she grau A lu nga ga ai n rai a ni? Shingrai anhte mung jet ai, lawt lu lam jaw ya ai, Mesia hkyela madu a makawp maga ya ai shingnip npu hta e, daw jau hkawm sa ga law.