Yesu gaw Lewi hpe n tara ai ahkun hkanse hta ai wa ngu nna mying kaba ai raitim, Shi hpang hkan na matu hpa majaw shaga ai kun? Ndai lam gaw yubak mara kap ai ni hpe Yesu tsawra ai majaw rai nga ai. Shi ndai mungkan ntsa hta madung hku nna anhte yubak mara kap ai ni hpe hkye la na matu hte anhte yawng hpe Shi hpang hkan nang na matu yu sa wa ai rai nga ai.

Yesu gaw yubak mara kap ai ni hpe hkap la ai wa, tsawra ai wa re. Shi gaw yubak mara kap ai ni hpe tsawra ai, mara kap ai ni hpe hkan tam ai hte mara kap ai ni hpe tara jeyang, garan ginhka ai lam n’nga ai. Ndai lam gaw Lewi (sh) Mahte hta byin wa ai lam re. mara  kap ai wa re majaw Yesu gaw shi yubak mara law law galaw tim, shi hpe naw tsawra nga ai lam tsun dan na matu Lewi hpang de sa wa ai.

Anhte kade daram yubak kap ai raitim, Karai Kasang gaw Lewi hpe galaw ai zawn, myit malai lu na matu hte Shi hpang hkan nang na matu matut manoi shaga nga ai. Shi gaw anhte a yubak mara ni hpe yu nna tara n jeyang ai; Shi gaw anhte a yubak mara hpe tawn kau da mayu ai myit hpe grau nna ra nga ai. Anhte a mara lam ni hpe tawn kau na matu dawdan ai aten hta Madu a simsa lam hte tut nawng nga nga ai hpe galoi mung kam hpa mai nga ai.

Yesu hte tsan gang ai lam hpe galoi mung shabyin ya ai gaw anhte rai nna, Yesu anhte hte tsan gang ai lam n re. yubak mara gaw, myit malai lu na matu shaga ai hpe n hkan sa ai shaloi byin pru wa ai. Yesu gaw anhte a yubak mara hta hkawm sa na matu dawdan ai aten hta Shi a tsawra myit hte mara raw ya ai lam hte anhte hpe hkap tau la na matu galoi mung jin jin rai nga ai.