Ndai maumwi gaw nsin hpe grai hkrit ai masha langai a lam re. Nsin kaw na n hkru n kaja ai lam ni pru wa na hpe shi myit mada ai majaw, nsin hpe hkrit ai. Dai lam a majaw sha, shana de yup na aten du wa ai shaloi shi a madu jan hpe pyengdin n sat kau na matu tsun ai.
Anhte law malawng a matu shana aten (sh) nsin sin ai gaw n teng n man ai lam hpe madun dan ai, anhte a myit masin hta hkrit tsang ai lam ni hpe ka bang ya ai. Masha law law hpawng nga ai shara hta nmyit mada ai wan si mat yang, Masha shagu gaw shanhte a flashlight, wan shing nan (sh) nsin hpe dang kau lu ai hpa hpe raitim tam na re.
Yesu hte sape ni nawng wora hkran de rap sa wa ai shana de rai nga ai. Shanhte gaw sanghpaw li langai mi hta nga nna, shanhte a grup yin hta nsin sin nga ai shaloi, n dum shami nbung laru kaba langai mi hte akajawng sha hkrum katut ma ai. Shanhte yawng gaw hkrit kajawng let hprawng hkawm nga ma ai (who wouldn’t be?) nsin sin ai hte rau nbung laru kaba hpe hkrit tsang ai majaw Yesu shanhte hte rau nga ai hpe kalang ta malap kau ma ai.
Bai nna, Yesu (shanhte a prat hte anhte a prat a nhtoi mung!) shanhte hte rau nga ai hpe dum wa ma ai. Shi gaw (nbung laru kaba nga ai raitim) hka li a baw e, shingbyi shara langai mi hta, atsawm sha yup pyaw nga ai. Dai majaw shanhte gaw Shi hpe jasu nna Yesu kaw karum hpyi ma ai. Shanhte a man e nan, Yesu gaw nbung hpe daru kau nhtawm, pang lai hka hpe, Atsin sha nga u, atsin sha nga u, ngu wu ai. Nbung sim mat nna, grai sim mat ai (Marku 4:39).
Anhte yawng gaw anhte a prat hta nsin sin ai hte nbung laru ni hpe hkrum katut nna, dai hpe shingra tara hku nna hkrit tsang nga ga ai. Anhte law malawng gaw ndai nsin sin ai hte nbung laru ni hpe koi mayu ga ai re. Raitim ndai lam ni gaw anhte a prat hta lawm ai majaw anhte koi gam nmai nga ai.
Dai majaw ndai nbung laru hte nsin sin ai episode ni hpe lai wa ai shaloi anhte hpa galaw na kun? Anhte a prat a nhtoi Yesu gaw anhte hte rau galoi mung nga nga ai hpe galoi mung dum ra ai. Anhte hpe gara nbung laru, nsin gaw n jahten kau lu ai hpe galoi mung dum ra ai. Kaning rai nme law, anhte hte rau hkawm sa nna, anhte a lam ni hpe htoi tu shangun ai Yesu anhte hta nga ai.
Na a prat hta nbung laru hte nsin sin ai lam ni the hkrum katut ai shaloi Yesu hpe galoi mung shaga nga ai kun?