Readings: 1st: Is 58:7-10; 2nd: Heb 2: 1-5; Gos: Mat: 5 13-16
Ndai Laban shani hta, Chyoi Pra ai Kanu Nawku Hpung gaw, shi gaw nsin kata na nhtoi rai nga ai hpe shadum ya nga ai. Dai majaw, Hkristan yawng Hkristu hpe ra sharawng yang, nhtoi grau htoi tu wa na hpe shi a ma ni hpe shadum ya nga ai.
Daw 1 hta, myihtoi Esaia gaw anhte a nhtoi htoi tu na matu anhte galaw ra ai lam ni hpe tsun da ai: “Kawsi hkrum ai ni hpe na a malu masha garan jaw u, nta nlu ai ni hpe shingbyi shara jaw u, singgu krin re ai ni hpe bu hpun palawng bu hpun u.” Ndai lam ni hpe Nawku hpung gaw hkum hkrang matsan dum lama ai magam bungli ngu tsun ma ai. Mungkan Wunpawng Hpung kaw nna 1948 ning hta Fundamental Human Rights ngu nna masat da sai rai nna, dai ni gaw prat hta ra kadawn ai lam ni rai nga ai. Dai majaw, jahten sharun ai lam gaw shinggyim masha a sari sadang hpe jahten kau ya nna, shi hpe htani htana nsin kata kaw tawn da ya ai. Ndai lam gaw structural n tara ai lam hte Charity tsawra myit hpe mara shagun ai lam hte bung nga ai. Dai majaw, anhte gaw “ding man ai ni a matu mara nsin kata e nhtoi tai nga ai mai kaja ai ni” rai ra ga ai.
Daw Lahkawng hta, Pawlu gaw Korinhtu masha ni a matu “nhtoi” rai nga ai lam sakse hkam ya ai. Shi nga ai gaw shanhte a nsin hpe jahkoi kau ya ai. Bai nna, “jum” hku nna shanhte a hkye hkrang la ai lam hpe makawp maga ya ai. Dai hpe shi tsun ai hku sha n rai, shi ta tut galaw ai lam hku nna mung sakse madun dan ai. Shi gaw: “Hpunau ni e, ngai nanhte hpang de sa ai shaloi, ga shaga ai lam (sh) hpaji masa hku nna n re ai sha, Karai Kasang jaw ya ai lam hpe tsun dan na matu sha re.” Pawlu gaw shi a ga hte kaja ai magam bungli ni hku sak se madun dan ai.
Shi gaw tara n lang ai Korinhtu masha ni Hkristu a nhtoi hpe mu lu ai hpe sakse madun dan sai. Shi gaw shanhte a asak hpe n-gun ja shangun nna makawp maga ya ai sau rai nga ai. Dai majaw, anhte masha ni hte hkrum katut ai lam gaw, anhte hkrum katut ai hta grau kaja ai hku tawn da ra ai. Myit tsang ai, kaya kahpa, myit daw myit hten ai lam ni hpe kashin kau ra ai. Dai gaw shanhte hpe n chye chyang ai kaw nna shalawt ya nna, Karai Kasang hte ni htep hkra galaw ai hku nna tengman ai lam hpe manu shadan chye hkra karum ya ra ai.
Dai ni na kabu gara shiga hta, Yesu gaw anhte hpe “jum” ngu tsun da ai. Ga Shaka Dingsa hta yubak mara a matu hkungga nawng jau ai hte Karai Kasang hte ga shaka tawn da na matu sau hpe lang ai. “Na a shadung hkungga yawng hpe jum hte chya mu: nanhte a Karai Kasang hte tawn da ai ga shaka a jum hpe nanhte a shadung hkungga hta mat lu na n rai.” (Jaw 2:13). Bai nna, lamu ga ga sadi ni hpe mung, dai ga shaka a n-gun atsam hte grin nga lu ai lam hpe sakse hku nna, sau kumhpa hte dazik shakap da ma ai. Masha langai a prat hta Karai Kasang galaw ai lam hpe mung, sau gaw kumla langai mi rai nga ai. Dai gaw, kata de shang nna, makawp maga ya ai, shamai shatsai ya ai hta karum ya ai majaw re. Dai hku nna Karai Kasang gaw anhte a prat hta active byin wa ai. Dai majaw, Hkristu gaw anhte hpe “jum” ngu shaga ai shaloi, anhte mungkan hpe galai shai shangun mayu ai lam rai nga ai. Anhte a mungkan hpe akyang lailen, wenyi, hkum hkrang, grup yin hten za ai kaw nna makawp maga ra ai. Jum hku nna, masha ni a prat hta taste hte flavor hpe jat bang ra ai.
Bai nna, Hkristu gaw anhte hpe “nhtoi” ngu tsun ai. Shi gaw anhte hpe ndai hku hkang da ai: “Na a nhtoi gaw masha ni a man e htoi tu lu na ra ai!” Nhtoi gaw shi a matu n htoi tu ai. Dai majaw, anhte hpa majaw htoi tu ra ai hpe Hkristu ndai hku tsun da ai: “Masha ni gaw nanhte a mai kaja ai amu mu lu nna, Karai Kasang hpe shakawn kungdawn lu mu ga.” Ndai kaw kaja ai magam bungli ngu ai gaw, daw 1 hta mu lu ai hte maren, hkum hkrang hte wenyi matsan dum lama ai magam bungli hpe tsun mayu ai.
Shakawn shagrau ai ngu ai gaw, hkap la nna myit rawt wa ai lachyum re. Anhte a nhtoi a majaw kaja ai hku hkra machyi hkrum na ngu ai lachyum re. Nhtoi hku nna, “Kaja ai, san seng ai, teng man ai, chyoi pra ai, kam hpa mai ai” ngu ai hpe madun dan ra ai (Hplp 4: 8).
Hpang jahtum, Karai Kasang a kumhpa hpe n mai makoi magap ai. “Tsawra myit gaw nta kaw nna hpang wa ai” re majaw, anhte a nta, buga ginra hta nhtoi hte sau shawng tai ra ai. Bai nna, anhte a mungkan gaw anhte a nhtoi a kaja ai akyu hpe hkam sha ra ai. Anhte a sakse hkam ai lam ni hte kaja ai magam bungli ni a manam pyaw ai hpe kawsi hpang gara shangun n mai nga ai.