Ningpawt Ninghpang Laika hta dai lam hpe Madu tsun ai shaloi madi shadaw da nga ai.
“Masha gaw langai hkrai sha nga na matu n kaja ai”.
-Shinggyim masha a shinggyim nga pra masa hpe yu nna Nawku hpung gaw shi a shinggyim nga pra masa sharin achyin ai lam hta dinghku & shinggyim wuhpawng kata na shi a lit hpe laksan ahkyak shatai nna sharin shaga ya nga ai.
-Dinghku gaw shinggyim wuhpawng a shawng nnan na & ahkyak ai cell rai nna, dai masha wa gaw shawng ningnan lang tsawra myit & tinang hkum hpe jaw ya ai lam hpe hkam sha lu ai, tinang a sari sadang hpe chye na wa ai & rawt jat galu kaba wa na matu hkrun lam hpe hpang wa ai.(compendium212)
Ndai hku nna dinghku gaw shinggyim wuhpawng a akyu ara a matu laklai ai & galai shai n lu ai garum shingtau lam hpe galaw ya nga ai. (213/14) Shingra tara hku nna dinghku gaw Mungdan a shawng e nga ai & Mungdan gaw dai hpe makawp maga & n-gun jaw ya ra nga ai.
Dinghku hpe makawp maga na lit hta Mungdan gaw hkungran ai lam hpe sharin achyin ai lam hpe laksan myit maju jung ra ai (215-20) Hkristan chye na ai lam hta hkungran ai lam gaw shingra tara hku nna byin pru wa ai, hku hkau lam de shaga la hkrum ai masha ni hku nna anhte a shingra tara kaw nna lwi pru wa ai, & Karai Kasang ra sharawng ai hku nna byin pru wa ai wuhpung langai mi rai nga ai.
Shinggyim masha ni a myit sawn sumru ai lam hta lu la mai ai hkungran ai lam a arawn alai ni gaw, hkum tsup ai lam, kahkyin gumdin lam, garan n mai ai lam & sadi dung ai lam ni rai nga ai. Mungdan gaw mung shawa a akyu ara hpe daw jau ai hta dinghku hpe madi shadaw matu shakut ra ai.
Ndai lam gaw, num la kanawn mazum ai lam (228), shangai chyinghkai ai hpaji masa (235), cloning (236) & ma ni hpe hpaji jaw ai lam (238-43) hte mung shawa tara a lam ni hte seng nna ahkyak ai ga san ni hpe shabyin ya nga ai.
Mungkan Shiga Nhtoi,1994
-fundamental nucleus society hku nna, dinghku gaw shi a laksan sasana magam bungli hpe tup hkrak galaw lu na matu mungdan a madi shadaw ai lam hpe tup hkrak lu la na ahkaw ahkang nga ai. Mungdan tara gaw shi a hkam kaja lam hpe n-gun jaw na matu, shi a lit ni hpe gun hpai lu hkra karum ya na matu madung tawn ra ai.
Dai ni na aten hta, tara hku nna, dinghku de ai ni a kahkyin gumdin lam hte maren sha re ngu sawn la na matu, shanhte a shingra tara hku nna (sh) shanhte a yaw shada ai hku nna, prat tup n grin nga lu ai kahkyin gumdin lam ni hpe sawn la na matu, grau grau nna dip sha hkrum nga ai aten hta, dinghku a lachyum hpe gara hku mung n tsun dan lu ai & dinghku a akyu ara hpe hkam la lu na matu n mai byin ai.
Dinghku a tengman ai wuhpung wuhpawng hpe n-gun jaw & makawp maga na, shi a shingra tara hkrang & shi a shangai chyinghkai wa ai & n mai garan la ai ahkaw ahkang ni hpe hkungga lara ai hku nna Mungdan a lit rai nga ai. (Centesimu: n.5)