Madu Yesu Gennesaret mare de du ai shaloi Masha unawng uwa shara shagu na machyi makaw ai masha law law hpe Madu Yesu hpang de woi sa ma ai.

Machyi ai masha ni Yesu a palawng matu hpe ahtawk hkra ai hte pyi mai tsai mat ma ai. Madu Yesu mung shi hpang de ndai zawn sa wa ai ni hpe tsawra matsan dum ai myit hte shamai shatsai ya ai.

Anhte hta mung machyi makaw ai lam amyu amyu nga ga ai. Hkumhkrang a machyi ai lam wenyi a gawngkya ai lam ni rai nga ai. Anhte a wunma ni, yak hkak ai lam, gawngkya ai lam ni hpe Yesu hpang de la sa nna shamai hkam la na ahkyak nga ai.

Yesu hpang de kam sham myit kaba hte sit shang na ahkyak nga ai. Kam sham myit kaba hte sit shang ai ni yawng gaw Yesu kaw na kaman lila hte wa ra ai ni langai pyi n nga ga ai.

Yesu hpe hkap la kam sham ai ni yawng gaw mai kaja prat de galai shai mai ai ni chyu rai nga ga ai.

Tsawra hkungga ai Nu,Wa, Hpu, Nau ni anhte hkum ngau shagu hta ru yak kyin dut yak hkak ai lam, machyi makaw ai lam ni nga ai re. Dai yak hkak ai lam ni, Machyi ai lam ni hpe Yesu hpang de sa nna tsi tsi hkam la ai rai yang mai kaja ai chyeju ni law law hpe hkam la lu ga ai.