Daini na hti ang ai Madu kabu gara shiga gaw Marku Laika 7:31-37 hta na rai nga ai.
Kabu shiga hta Madu Yesu gaw Na nna ai hte ga n shaga lu ai masha langai hpe shi a lata ahtawk let shamai ya ai lam na la lu ai re.
Anhte shinggyim masha ni shaga chye ai gaw shawng na la ai kawn hpang ai re. Ga shadawn Ma kaji langai ga n chye shaga shi yang kaba ai ni shaga ai hpe shawng na la let dai na la ai lam hpe bai tsun shaga chye wa ai re.
Daini Madu Yesu Na nna ai wa hpe na shawng shamai ya let shi a n-gup hpe bai shamai ya ai lam gaw, na la ai lam hpe tsun shapraw chye na matu re.
Karai Kasang anhte hpe Na lahkawng hte n-gup hpe hpan da ya ai a yaw shada lam gaw Karai Kasang a mungga law law madat la let Kabu gara shiga hpe htawn tsun na matu re.
Anhte a prat hta mung na nna ai wa zawn byin chye ga ai. Na kaja tim Karai Kasang a mungga gaw nna la ai sha masha hpe shatan ai lam ni, nkaja ai lam ni chyu na la chye ga ai.
Kabu gara shiga hkaw tsun shapraw ai n gup tai na malai shatan nhkan ai n gup shatai chye wa ga ai.