Daini na hti ang ai Madu a kabu gara shiga gaw Marku laika 8:14-21 hta na rai nga ai.

Kabu gara shiga hta Hparishe ni a matsi hpe koi na matu aja awa shadum ai lam hpe na la lu ga ai.

Matsi a atsam gaw kachyi sha raitim muk hpe shalaw jahtam na atsam nga ai. Hparishe ni a matsi ngu hpa rai ta? Hpa majaw Yesu koi yen shangun nga ai ta? Hparishe ni ngu ai gaw tara ni hpe hkan shakut let masha ni hpe lit shali ya ai ni, ntsa lam hkan shakut let masha a man hta arawng la ai ni, masha ni hpe lam dam shangun ai ni dai zawn re ai majaw shanhte hpe koi shangun ai rai nga ai.

Dai zawn re myit masa lam ni gaw n kaja ai matsi hte bung nna masha law law hpe myit shadam ya, shabra ya ai hte bung nga ai.

Yesu Hparishe ni hpe n tsawra nna koi shangun ai n rai? Shanhte a n hkru ai myit masa lam ni hpe koi shangun nga ai re.

Anhte a prat hta e Hparishe ni hte bung ai myit masa ni rawng chye ga ai. Dai myit masa ni galai shai mai nga ten hta galai shai let kaja ai matsi hpe akyu jashawn na matu saw shaga nga ai.