HTAI YA AI WA – WA JAU DR. JOSEPH GAWLU YUNG WA
Ga San – Kahtawlik Nawku Hpung hta shamying ai lam lahkawng: ‘kahtolik’ ngu ai hte ‘RC’ nga nna shamying ai hpe mu lu ai. Kahtolik ngu shamying ai gaw mungkan ting hte seng ai Nawku Hpung re nga nna tsun ai hpe gaw chye lu sai. Rai yang, RC ngu ai a lachyum gaw hpa rai lachyum kun?
Htai – “Kahtawlik” ngu ai amying shingteng hpe gaw Greek ga hku “ninggawn tawa the seng ai” ngu nna lachyum pru ai ga kaw na la ai rai nga ai. Dai hpe Antiock na San pra ai Ignatius, Madu a Shaning 107 daram hta lang hpang wa ai rai nga ai. Ignatius gaw, Antioch a Saradaw rai nna, San Petru a hpang, Nawku Hpung a lahkawng ngu na Sarabyin rai nga ai.
RCM (Roman Catholic Church) ngu ai mying gaw, Madu a Shaning 1600 daram hta Protestan hpung ni garan pru wa ai aten, shanhte a hpung ni hpe Kanu Nawku Hpung the shai ai lam hpe madun na matu; bai, Roma e nga ai Sarabyin hta sadi dung ai Hpung ngu nna madun na matu, kanu Nawku Hpung hpe the Roma Catholic Church (Roma Kahtawlik Nawku Hpung) ngu nna shamying hpang wa ai rai nga ai.
Ndai mying gaw, makam masham a majaw gaw dai daram n re ai sha, dai aten byin nga ai mung masa lam ni a majaw byin pru wa ai rai nga ai.
San ai wa – Zau Bung Jau Gyinwang, San Luka Sara ning htawn, ULang Pa mare kaw nga n na, ya ten, ManWing Lawk (1), Hkanan mare nnan kaw nga ai, Monica Lahtaw Hkawn Tsin
