Daini na la na Madu a Kabu gara shiga gaw Mathe a Laika 25:31-46 hta na rai nga ai.
Daini na Kabu gara shiga hta hpang na prat ngu kaja wa nga ai lam, Je yang daw dan ai lam ngu kaja wa nga ai lam anhte hpe shadum ya nga ai. Je yang daw dan ai ten hta Sagu hpung hte Bai Nam uhpung nga nna uhpung lahkawng garan ging hka na re.
Je yang daw dan ai ten hta anhte yawng gaw kaja ai maga de shang lawm mayu ai hkrai rai na re. Kaja maga shang lawm na matu gaw anhte nang ngai dinghta ga ntsa sak hkrung ai ten hta gara hku nga sa ai ngu gaw ahkyak nga ai.
Dai kaja maga de shang lawm lu na matu Yesu tara law law n jaw da ai. “Nanhte ngai kaw si ai ten hta ngai hpe sha hpa jaw sha ai. Ngai hpang gara hkrum ai ten hta ngai hpe lu na jaw ai. Ngai tsasam manam rai nga yang nanhte ngai hpe hkap bawp la ai. Ngai singgu krin rai nga yang nanhte ngai hpe jahpun mi ai. Ngai machyi makaw hkrum ai ten hta nanhte ngai hpe yu gawn ai. Ngai hkyuk htawng rawng ai ten nanhte ngai hpe kawan katsan ai”
Lachyum gaw kaji htum ai hpe daw jau ra ai lam rai nga ai. Dai ni hpe daw jau ai lam gaw dinghta ga na akyu sha nrai hpang jahtum jeyang daw dan ai shani du hkra akyu rawng ai lam shadum ya nga ai.
Dai majaw hkungga tsawra ai Nu Wa ni,
Dinghta ga ntsa kaji dik htum ai wa hpe daw jau dat ai wa gaw jeyang hkrum ai shani sagu hpung maga de shang lawm lu na matu mying bang da ai wa hte bung na re.