Karai Kasang anhte hpe Hpyen wa hpe tsawra shangun ai lam gaw Shinggyim myit masa kaw nna Karai a myit masa de galai ya na matu re.

Daini hti ang ai Madu a gara shiga Mathew 5:43-48 du hkra hta na rai nga ai.

Hpyen wa hpe tsawra ra ai lam na la lu ai.

Hpyen ngu ai ga si na dat ai hte kaning nga hkam la a ta?

tinang hpe jamjau jaw na wa, tinang hpe hkrat sum hkra galaw na wa ngu ai hkrit ai myit masin rawng ga ai.

Hpyen nga ga si na yang hpa galaw mayu ga ta?

N yu ra ai, n ju ai, matai htang mayu ai, hpyen wa shawng lata n du shi yang tinang shawng lata du mayu ai.

Dai zawn tinang a prat hpe jamjau jaw nga ai hpyen wa hpe n ju u ngu na malai tsawra myit jaw shangun nga ai.

Hpyen wa hpe n ju ai, n ra ai, yu n lu ai ngu myit masa dingsa hpe la kau nna tsawra ra ai ngu myit masa nnan hpe bang ya ai rai nga ai.

Hpyen hpe matai htang ra ai ngu ai myit masa dingsa hpe Madu Yesu shi a Nni Nkri a marang e hpyen wa hpe tsawra ra ai ngu myit masa nnan bai ya nga ai.

Karai Kasang anhte hpe Hpyen wa hpe tsawra shangun ai lam gaw Shinggyim myit masa kaw nna Karai a myit masa de galai ya na matu re.

Dai myit masa n rawng dingsa Karai Kasang a kasha ni ngu shaga na matu n ging dan nga ai lam shadum ya nga ai.