Wa Sarabyin Leo XIV gaw March 4 ya shani na General Audience hta, ‘Lumen gentium’ hta tsun da ai Nawku hpung a “htuk manu ai tengman ai lam” hpe myit sumru yu let, wenyi lam hte seng ai myit masa sha n re ai sha, shinggyim wuhpawng langai re ai hpe ahkyak shatai tsun shalawm da nga ai. shinggyim masha hte Karai Kasang gaw rau nga ai, garan n mai nga ai.
N bung ai Nawku hpung: Wa Sarabyin gaw Nawku hpung hpe mu lu ai, mungkan ga ntsa na gawng kya ai shinggyim wuhpung wuhpawng hte Hkristu a makoi magap da ai, wenyi hkum hkrang lahkawng pawng hpawm nga ai ngu nna tsun shaleng da nga ai. Yesu shi hkum nan—shi a hkum hkrang shinggyim masha hku nna shi Karai Kasang re ai lam hpe hkam la lai wa ai zawn—Nawku hpung gaw Karai Kasang hta lawm ai lam hpe labau hkring htawng, shinggyim masha hkum hkrang dagraw la nna hpaw shadan dan nga ai.
N bung ai lam hta myit hkrum lam: Mungkan ga hta lai nna “san pra ai” Nawku hpung n nga ai. Shinggyim masha ni hte wenyi lam gaw, myit hkrum mangrum ai hku hpawng de nga ai; Nawku hpung a chyoi pra ai lam gaw, hpung masha ni a hkum tsup ai lam kaw nna n rai, shanhte a gawng kya ai lam ni hta Hkristu nga nga ai majaw rai nga ai.
“Karai Kasang a Ladat”: Karai Kasang gaw Shi a atsam hte hkye hkrang la ai magam bungli hpe madun dan na matu shi hpan da ai gawng kya ai the kaji kadun ai shinggyim masha hpe lata la ai. Wa Sarabyin Benedict XVI a ga hpe lakap nna, Wa Sarabyin Leo gaw, Kabu Gara Shiga hte Nawku hpung a hkrang masa ni a lapran ninghkap ai lam n nga ai hpe madi madun dan ai; prat shagu hta Kabu Gara Shiga hpe teng sha asak hkrung lu hkra galaw ya nga ai. Dai majaw, wuhpung wuhpawng hte Kabu Gara Shiga gaw ninghkap shai hkat ai lam n nga ai.
Tatut galaw na matu saw shaga ai lam: Chyoi pra ai lam hpe kahkyin gumdin lam hte tsawra myit the gawgap da ai. Hkristan hpung masha ni a myi hte mu lu ai tsawra myit hte matsan dum lama ai lam hku nna kaga masha ni Hkristu hpe chye na hkam la lu na matu, kam sham ai hpung masha ni hpe “teng man ai, jet ai sakse ni” tai na matu Wa Sarabyin tsun shadut da nga ai. kam sham ai hpung masha ni hpe Hkristu a tsawra myit hte tsawra myit a tengman ai sakse ni tai wa na matu, mu lu ai wuhpung wuhpawng hku nna sha n-ga, kahkyin gumdin lam hte shada da tsawra hku hkau ai hku nna Nawku hpung hpe gawgap na matu, Hkristu shi nan madun dan ai tengman ai tsawra myit hpe Hkristan ni hta chye na hkam la lu na matu, kam sham ai ni hpe tsun shadut dat ai.