Daini na Ja Chyum Mungga hpe hti sumru yu ai shaloi e, Nazaret mare masha ni Yesu hpe n hkap la ma ai. Myen ga malai nga ai jaw ai tsun yang, mare shinggan de gawt kau hkrum ai da. Ndai mungkan ntsa hta Jaw ai lam hpe tsun shapraw ai masha shagu gaw dai a akyu hte kaga ga rai nga ai, masha ni e n ju n dawng ai hkrum katut ra ai. Tinang hpe n kaja ai hku matai bai htang ai hkrum katut nga chye ai. Dai zawn sha daini na chyum mungga hta, Madu Yesu gaw, Myihtoi langai mi hku nna teng man jaw ai lam hpe tsun ai majaw, Yuda masha ni n dang hkam sha nna, mara tam nga ai.
Madu Yesu a shawng nnan lang na tara mungga hpe shanhte n lu hkap la ai majaw, Yesu hpe sat na matu gyam nga ma ai.
Anhte mung tengman lam ni hpe tsun ai shaloi e, kaga masha ni e n ju n dawng ai, aput angun tsun ai hkam sha na teng sha re. Ndai lusha gam ladaw hta Madu Yesu hte rau nga na matu saw shaga ai hkrum ga ai re. Madu Yesu a awng dang lam ni, mau hpa hpung dagu ni a matu arawng la chye ai anhte mung, Madu Yesu zawn shi hte rau tengman ai lam ni hpe tsun shaga chye lu na atsam marai ningja ni hpe hpyi la nga ga law.