Daini na Ja Chyum Mungga hpe hti sumru yu ai shaloi e  Galile mungdaw de Yesu bai wa ai. Bai Up hkang du a kasha hpe Yesu shamai ya ai lam ni hpe na la lu ga ai. Daini kabu gara shiga hta e, Up hkang du langai mi gaw, shi a kasha machyi nga ai hpe shamai ya na matu hpyi nem ai shaloi e, Madu Yesu gaw shi hpe wa nu na a kasha mai tsai mat na ra ai ngu ga hkaw mi tsun dat ai. Shaloi e dai Up hkang du wa gaw kamsham ai hte nta de du wa ai shaloi e, Shi a kasha gaw mai mat ai hpe mu nu ai. Ndai mabyin lam gaw, Madu Yesu a ntsa shi tawn da ai kam sham myit a atsam hte, myit kam hpa ai lam ni hpe mu mada lu nga ai.

 Dai zawn sha anhte ni mung ruyak jam jau yak hkak ai lam ni hkrum katut wa yang, Madu Yesu shi tsun da ai ga hte hpung shingkang hpe kam sham kam hpa nga ga. Bai tinang hpyi ai akyu chyeju ni n lu shi ai ten ni hta raitim, anhte hte Madu Yesu rau nga nga ai ngu ai hpe tut e tsun lu hkra shakut sa ga. Up hkang du wa zawn, Madu Yesu a ga hte ga sadi ni hpe myit hkut kam sham hkan sa nga ga. Anhte langai hpra a prat hta e mung shamai shatsai ya lu ai chyeju ni yawng hkra hpe jaw da ya sai re. Madu Yesu shi tsi shamai shatsai ya lu ai atsam ningja hpe lu la hkra anhte yawng mung matut shakut sa ga law.