National Constitution Center kaw nna, Wa Sarabyin Leo XIV hpe 2026 ning July shata praw 3 ya shani, USA mungdan a 250 ning hpring masat dingsat poi hpe Philadelphia kaw nga ai shanglawt lu ai masat gat kaba hta galaw na rai nna, (38) lang ngu na Liberty Kumhpa hpe jaw na re lam hpe chye lu ai.
Ndai kumhpa gaw, U.S. Constitution a First Amendment hta ru jung ai manu dan ai lam ni hpe, nawku makam masham lawt lu lam, myit masin lawt lu lam, shinggyim sari sadang ni hpe n-gun jaw na matu, Wa Sarabyin a prat tup ap nawng da ai hpe hkungga jaw ai kumhpa re. Shi a hkap la ai mungga hpe Vatican kaw nna virtual hku nna tsun shaga na re.
2025 ning hta Wa Sarabyin Leo XIV ra lata poi shang ai kaw nna, makam masham shada da hkungga lara ai lam hte simsa ai hku nga pra lu na matu, makam masham hpung amyu myu hpe shanglawm shangun ai, makam masham lapran (ecumenical dialogue) bawngban hkrum shaga ai lam hpe ahkyak shatai galaw taw nga ai. Shi a shingran hta, shingdu tawn da hkrum ai wuhpung ni a matu, shinggyim sari sadang hpe tup hkrak madun dan ai lam hku nna, nawku htung lawt lu lam hpe madi madun da nga ai.
1988 ning hta hpaw hpang wa ai Liberty Medal gaw, lawt lu lam hpe rawt jat galu kaba wa hkra mungkan ting shakut shaja nga ai hpe masat masa galaw ai re. Ndai shaning na poi gaw, America a semiquicententennial poi a daw langai rai nna, mung shawa hte nawku hpung ningbaw ningla ni hpe shinggyin la nna, amyu sha ni hpe hpaw ninghtan ai myit masa ni a grin nga lu ai ahkyak ai lam hpe myit sumru na matu re lam hpe mung chye lu ai.
