Daini na madu a kabu gara shi ga hpe hti sum ru yu ai shaloi, Asher amyu lakung shayi sha rai nga ai ANNA ngu ai myihtoi num sha gaw, dinghku de ai sanit ning na ai hpang 84 ning gai da rai nga nu ai. Dai hpang e, shi nawku htingnu kaw nna, n pru ai sha, lu sha gam let, shani shana kyu hpyi daw jau let a nga nga ai. Ndai lam mabyin hpe anhte ni ja ja myit sumru yu mai nga ga ai.
Shiga madat nu wa hpu nau ni, anhte a kam sham myit ni, kyu hpyi daw jau ai lam ni, ndai gaida jan Anna hpe yu kasi la mai nga ai. Anhte ni Karai Kasang kaw kyu hpyi ai lai ladat ni kade ram kam hpa ngang kang nga ga ai kun? Madu ra ai hpe sha hpyi tsun dan nna, shi madu bai tsun wa ai ga hpe gaw, madat na aten njaw, shi madu the azim sha myit kraw kata hta matut mahkai lu hkra shakut ai lam grai ningra nga ga ai mi nrai a ni?
Ap nawng daw jau ai ngu ai gaw tsun yang loi ai daram, ta tut hta e hkan sa shatup lu ai lam hta grai yak hkak la nga ai majaw aten shagu hta e, shi madu a magam lam ni hta e sak hkrung ap nawng daw jau sa lu hkra myit da ting let shakut sa nga ga law.
