Ndai Yesu a lamik kum la hpe masha n kau mi gaw, n kam ma ai hte Myet lee sara ni a amu magam zawn sha lu hkap la ma ai majaw, Yesu hpe lamik kum la bai galaw shangun na matu hkan tam ma ai re.

Shanhte ni gaw , Mungkan a malu masha hpe chyu sha myit marin sharawng nga ai majaw hkan tam shakut nga ma ai. Yesu gaw jet ai asak muk rai nga ai  htani htana agrin nga ai  muk hpe jaw ya lu ai. Dai majaw anhte mung Madu Yesu hpe sha hkan tam let, lu sha na matu wa sarabyin tsun shadum lai wa sai re.

Mungkan lam hte Sutgan arung arai ni gaw, shinggyim masha a asak hte prat hpe jahkum shazup ya lu ai n rai. Masha prat a matu ra ahkyak ai gaw tsawra myit hta kaga arung arai mung ndai prat hte htawm hpang prat a matu jet ai ngwi pyaw lam  hpe n dang jaw lu ai.

Dai majaw anhte yawng gaw, mai kaja ai magam lam ni hpe hkan lang hkan sa, tsun gam garan ya na,

Tara lam ni hpe masha ni a matu ap nawng sung lang nga sa chye na grai ra kadawn nga ai lam,

Dum n`ta kata hta shada da garum shingtau madi shadaw ai lam hta, sharawng shara rai na grai ahkyak nga ai lam,

Kashu kasha n kau mi hta byin taw nga ai, kanu kawa ni kaw na, sutgan ja gumhpraw, sali wunli ni kashun la, ga li ga law rai shada da ga n shaga rai byin taw nga ai lam ni hpe ta tut mu mada ai majaw  yu myit n pyaw ai lam,

Kasi la grin ai kanu kawa ni a shawang tsawra myit daju hte ra sharawng aw law chye ai myit masa arawn alai hpe kashu kasha ni  marai hkum shagu gaw hkap la nna, hkan lang hkan sa na ra ahkyak nga ai lam tsun shadum nga ai.