Dai ni na Ja Chyum Mungga hpe anhte hti sumru yu ai shaloi e, Karai Kasang a mungdan gaw, chyinghkrang tum hte bung nga ai lam tsun shadum da nga ai. Ndai chyinghkrang tum hpe yu dat ai shaloi e hkai tum ni yawng hta kaji dik ai hkai li tum rai nga ai nrai a ni? Dai chyinghkrang tum hpe e, Ga hta jahkrat dat ai shaloi tu kaba wa yang, shat mai lap amyu hpan mahkra hta grau kaba wa ai hte, hpun mung lakung lakying kung dam kaba wa nna, ntsa malen U ni pyi, sa shing byi nga lu ai lam, na chye lu ga ai. Shingrai shiga madat nga ai nu wa hpu nau ni yawng hte e, anhte ni tinang a makam masham myit hpe, bai sumru dinglik let san jep yu ga.
Ngai gaw Karai Kasang hpe grai kam sham sai nga tim mung, ndai kaji dik la ai chyinghkrang tum ram pyi kam sham ai myit n rawng taw nga ga ai n rai a ni? Shing rai anhte ni gaw, Mungkan lam yan ni hta chyu sha, n`gun dat shakut hkawm sa nga chye ga ai rai yang e, anhte a wenyi lam yan hta grau grau hkrat sum mat na teng sha re. Dai majaw, ndai Madu a Mungga hpe madat hkan sa let, shani shagu na sak hkrung nga pra ai ten hta, sumsing mungdan hte bung ai nli tum hte bung wa hkra shakut shaja hkawm sa nga ga law.
