Daini na Ja Chyum Mungga hpe hti sum ru yu ai shaloi e, Na hpang ai wa Na bai na lu sai lam na chye lu ga ai. Madu Yesu Galile Nawng de du wa ai shaloi e, Na lahpang nna Ga n mai shaga ai masha langai wa hpe Yesu kaw woi sa nna, shi a baw hta lata mara let shamai ya na matu, hpyi nem mu ai. Shaloi e Yesu gaw dai wa hpe masha hpawng kaw na shaga la nhtawm, shi a lata hte Na kata kaw bang dat ai. Bai shi a mayen hte dai wa a shing let kaw kahtawk ya ai shaloi, dai machyi ai wa Na bai na lu ai hte, Ga lu shaga mat lu ai. Anhte Shinggyim masha shagu gaw, mai kaja ai lam hpe ra ai ni chyu sha rai nga ga ai.
Ya dai ni na Madu a kabu gara shiga hta e, Madu Yesu gaw, shi galaw ai namik kumla ni, machyi masha ni hpe shamai shatsai ya ai lam ni hpe kadai hpe n tsun na matu, ginhtim da nu ai. Raitimmung, dai mau hpa lam hpe mu ai masha shagu a n-gup hta n tsun yang nan n nga lu ma ai. Shing rai, anhte yawng mung Madu Yesu a hpang hkan nang ai hkristan ni zawn, teng man ai lam hta gwi gwi tsun sak se hkam lu hkra shakut sa nga ga law.
