Vatican hta galaw ai Ma ni lu ang ai ahhkaw ahkang hte seng ai zup hpawng hta Mungkan ting e nga ai Ma ni a shawng lam hta shanhte a ahtsam ni, bungli ni hte Masing ni gaw grai ahkyak ai lam rai nga ai hpe Wa Sarabyin kawn Ma ni a matu Yaw shada let ka da ai hpe CEO rai nga ai Mary’s Meals kawn bai nli gat hkai ra nga ai lam tsun lai wa ai.
Anhte ni hta mi kawn Ma ni hpe makawp maga ai hte shanhte a ahkaw ahkang jaw ai lam ni hpe sharawt ya na matu shakut shaja galaw nga ai gara lamang ni hta raitim tara masa hte myit masa yawng hpe lai di ai tsawra myit (common love) hta madung tawn ai re nga nna tsun lai wa ai. Ndai gaw (International Summit on Children’s Right) hta Wa Sarabyin kawn tsun da ai “madung lam, theme ” rai nga nna
Vatican’s a Clementine gawknu kaw galaw lai wa ai Ma ni ahkaw ahkang hte seng ai zuphpawng de mungkan ting hta nga ai Ma ni a sari sadang hte yu reng .makawp maga ai lam ni lu la na matu nsim nsa shakut shaja nga ai wuhpung wuhpawng ni, tara masa hpaji ninghkring ni hte Ma ni a ahkaw ahkang lu na matu shakut shaja ya nga ai ni sa dung shang lawm lai wa ai lam re hpe chye lu ai. dai zuphpawng gaw Ma shagu a prat hta nga ra ai sari sadang hte ahkaw ahkang hpe makawp maga ya na matu mungkan masha yawng a lit rai nga ai hpe madi madun tsun lai wa ai.
Magnus Macfarlane-Barrow gaw mungkan hta matsan dik mungdan ni hta nga ai wan hku re ai Ma ni a prat hpe galai shai ya lu ai mungkan tinang na Mary’s Meals ngu wuhpung hpe hpaw ninghtan da ai CEO rai nga ai wa gaw dai lamang hta tsun shaga ai ni hta na langai mi rai nga ai. Dai shani tup jaw ya ai ningmu ni hpe myit sumru yu nna zuphpawng hta garan gachyan ai ningmu ni a sut su ai hte amyu myu hpe myit sumru yu yang, kalang lang masha gaw shara shagu hkan na sa wa ai zawn rai nga tim dai yawng a madung hta Ma langai a ntsa anhte a tsawra myit sha nga ai nga nna tsun lai wa ai.
Ma langai kaba wa ai dai ma hpe rawt jat wa hkra makawp maga ya na matu shakut ai shaloi myit yu ra ai lam ni law law nga ai. Ndai zawn re ai ginlam law law ni gaw dinghku hte hkam ja lam kaw nna jawng gawk hte malu masha hte seng ai lamang (family and Healthcare) ni kawn gawn lajang ya ai malu masha ni hta madung rai nga ai. N dai lam law law nga ai hta na yu maya gin lam langai hpe tsun na nga yang malu masha hpe lajang ya ai lam rai nga ai hpe Mary’s Meals kawn tsun lai wa ai.
MacFarlane-Barrow gaw, “Anhte shawng galaw ra ai lam gaw, kalang ta kawsi hpang gara ai lam hpe hparan na matu re. Raitim, Mary’s Meals gaw lusha sha n-ga, Hpaji hte galoi mung matut mahkai nga ai,” nga nna madi madun Lai wa ai.
Shi gaw lai wa sai bat mi daram hta Malawi de sa du ai Shi a hpang jahtum hkrun lam hpe bai myit dum nna, Jawng kaw shi hte shaga ai ma langai tsun ai gaw, lusha jaw sha ai lamang garai n hpang shi yang, shi a jawng gawk ni hta hke dan pi n lu jum na daram gawng kya taw nga ai lam tsun lai wa ai.
Kawsi Hpang Gara lam gaw hkrit hpa lam re” nga nna MacFarlane-Barrow tsun lai wa ai. Shi gaw malu masha n-gun n-rawng ai majaw hkum hkrang hte myit masin hta byin wa ai hkra machyi lam ni hpe tsun dan Lai WA ai. gawng kya ai lam rawt jat galu kaba lam hpe lakyin shangun ai; Myit maju jung lu ai atsam n nga WA ai Ndai lam ni gaw ma langai a shawng lam yawng hpe hkrang shapraw ya lu ai, nga nna tsun lai wa ai. “Shani shagu atsawm kaja ai hku sha ai gaw dai lam hpe galai shai ya lu ai.”
Ndai zuphpawng gaw ma kaji ni hte hkamja lam a matu ahkyak ai lam law law hpe mung bawngban lai wa ai. MacFarlane-Barrow Madi madun ai gaw, Ngai chye na hpang wa ai zawn n mai galaw ai, nga nna tsun lai wa ai. Shi hkum nan mung kawa langai mi rai nga ai zawn, . Kanu kawa langai hku nna, hpawt ni shi a kasha hpe gara hku lusha jaw sha na hpe n chye nna yawn hkyen hkrum nga ai myit yawn hpa lam hpe tsun dan lai wa ai. Shi hkrum lai wa ai kanu kawa law law gaw, ma ni hpe lusha langai mi pyi n lu jaw sha ai shalou Ma ni hpe lam madun na (sh) sharin achyin na matu n-gun n nga ai zawn gawng Kya nga ai hpe hkam sha ai lam tsun lai wa ai.
Ma ni hpe lusha n lu jaw sha na nga yang, shanhte a kyang lailen hpe gara hku tsun na kun? Shanhte ngai hpe gara hku hkungga na kun?”, nga nna kawa langai mi ngai hpe kalang mi tsun ga ai. Ndai kawa a hkam sha nga ai gaw hkrit hpa rai nga ai.
Lam law law ni hte, ma langai hpe lusha jaw sha ai hpe asan sha galaw ai lam gaw dinghku ni a sari sadang hpe bai gram lajang ya ai. Kanu kawa ni a matu shimlam hpe chye na shangun ai hte Bai myit mada lu na matu ahkaw ahkang jaw ya nga ai. “Kanu kawa langai mi gaw, shi a ma hpe jawng kaw lusha jaw sha ai hpe chye yang, dai gaw lit kaba langai hpe shayawm kau ya sai re” nga nna MacFarlane-Barrow tsun lai wa ai. “Kaga lam ni hpe myit maju jung shangun na matu bungli galaw na matu htawm hpang a matu masing jahkrat na matu; yu Maya dinghku langai sha tai lu na matu ahkaw ahkang jaw ya ai.”
Manghkang byin ai shara kaw na masha ni a sakse ni hpe myit yu ai shaloi, MacFarlane-Barrow Mary’s Meals gaw majan byin ai shara ni hta bungli galaw ai shaloi hkrum katut ai mayak mahkak law law nga ai hpe hkap la lai wa ai. “Teng sha kaba ai mayak mahkak ni nga ai – logistics, “Hkamja lam hte shim lum lam,” nga nna tsun ai, “rai tim, kaning re lam ni hta mung Madi shadaw nga ai buga masha ni hte htingbu ni hte rau anhte bungli galaw ga ai.”
Ndai gaw, wuhpung wuhpawng hta madung tawn ai ladat ni hte wuhpung wuhpawng ni a tara masa ni hpe gyin shalat ai kaw na nsen ni hpe kahkyin gumdin da ai, ndai zuphpawng a kaga yaw shada ai lam langai rai nga ai.
Mary’s Meals gaw tatut galaw mai ai hte hkrak dik ai madang hta bungli galaw nga ai raitim, MacFarlane-Barrow gaw masa galai shai ai lam a ahkyak ai lit hpe chye na ya ai. Raitim, ngai gaw policy hpe kaup lu ai wa n re, nga nna yin la wa ai. Bai “Chyeju dum ai, Dai hpe galaw nga ai masha ni nga ai. Madang shagu hta galaw na matu ahkyak ai.” Nga nna kahtap tsun lai wa ai.” Shi tsun ai hta, langai hte langai gaw, manang n lawm yang n mai byin ai. Nga nna mung tsun lai wa ai.
Yaman Ehtiopia Ma ni zingri zingrat ai lam lapran kaba wa nga ai Dingda Sudan hte Haiti zawn re ai grai sawng ai masa ni hta pyi, MacFarlane-Barrow gaw shanhte a sasana magam bungli n galai shai ai lam hpe ahkyak shatai tsun ai. Hpaji hte matut mahkai nna lani mi hta kalang sha ai lam re. “Majan byin ai aten hta, ma ni hpe jawng bai lung shangun na matu alawan galaw na matu grai ahkyak nga ai. Dai hku galaw yang, shanhte a shaning law law hpaji sharin hkam la ai lam hpe sum mat na hpe makawp maga ya lu na re.”
“Sharin hkam la ai shara hta lusha ma mi lu sha ai gaw kaji tim n-gun kaba ai simsa lam langai hpe galaw ai lam rai lu ai,” nga nna tsun lai wa ai, “dai gaw ma langai hpe tsun dan hta ai – nang hpe n malap kau lam n nga ai, na a htawm hpang prat gaw ahkyak nga ai.”Dai gaw Myit mada shara kumla langai rai nga ai. “Ngai ra sharawng dik ai gasi re” nga nna bai kahtap tsun lai wa ai.
Ma kaji ni a matu Kasa ni a shadum shahprang ai lam hpe ka shapraw na nga nna Wa Sarabyin ndau dat ai Ndai zawn re ai zuphpawng ni gaw, n kam n sham ai ga sadi ni hte ngut mat Chye ai hpe myit tsang ai lam, zuphpawng sa du ai nkau mi tsun shapraw lai ai shaloi, MacFarlane-Barrow gaw ndai zuphpawng kaw nna myit mada ai hte pru mat wa ai. “Wa Sarabyin Francis gaw ndai lam hte seng nna nawku hpung tara ningnan hpe ka shapraw na re nga nna ndau dat ai shaloi ngai teng sha mau mat ai.” Dai nawku htung masa langai gaw, grai kaba ai akyu pru na re, nga nna tsun lai wa ai.
ndai zuphpawng gaw, policy bawngban ai hta grau nna, shinggyim nauna matut mahkai lam hpe gawgap lu ai lam hpe madi madun dan ai. “Mau hpa lam ni hpe galaw nga ai masha ni hte hkrum shaga ai, shanhte a labau lam ni hpe tsun dan ai, shada da sharin la lu ai lam ni gaw manu n dawdan lu ai lam re,” nga nna tsun lai wa ai. “Hpang jahtum e, gara uhpung langai mi sha, shingnrai ganing re ai tara masa langai mi hta mung ndai manghkang hpe hparan ya lu na n rai. Raitim, anhte rau jawm galaw ai a marang, n-gun kaba ai lam langai hpe gin shalat lu na re.”
