Karai Kasang hte rau hkrum kanawn ai gaw anhte a sak hkrung lam a daju ka-ang rai nga ai ngu ai hpe sumru yu ai shaloi, Madu Yesu gaw dai daju ka-ang rai nga ai hpe mu lu ga ai.
Yesu gaw “Ningshawng hte Jahtum” rai nga ai. Nga yawng nga pra gaw shi a matu hpan da hkrum masai, Shi nan, shi hku nna, hpan da hkrum ai hkrai rai nga ai. Dai majaw, anhte kaga lam ni hpe daju madung da ai lam gaw akyu n rawng, kaman lila, lahpawt lama sha rai nga ai.
Madu Yesu hpe anhte yu dat ai shaloi, anhte a myi ni gaw shi a htani htana mai kaja ai hte hpung shingkang hpe azi yu da ga. Na a salum hpe Mungkan hta hkyik hkam dik ai “Mungkan Hkawhkam Wa” hpe nawku, hkungga, shagrau lu hkra jasu ya u.
Dai lam hpe Myihtoi Esaiah Laika 9:6 hta ning nga ka da nga ai “Shanhte a sumtsaw sumra, n dawng n yawt ai hte manawn masham gaw, moi kaw nna hkoi mat sai; jan a npu e, galaw ai amu mahkra hta, shanhte ya kaw nna hpa n lawm lu ma ai” Htani htana ahkying aten gaw Madu Yesu a sak hkrung ai, si hkam ai hte bai hkrung rawt ai lam ni hpe htinggrum da nga ai. Shi gaw asak hkrung ai Karai Kasang a Kasha, yawng hta grau ahkyak dik, yawng hpe galai shai nna, shinggyim masha hpe hkye mawai la ai Kasha rai nga ai.
Kolose 1:15 hta:
Shi gaw myi e n mu lu ai Karai Kasang a hkrang bung sumla rai nga ai hte, hpan da ai arai yawng mayawng hta alat rai nga ai " nga nna tsun da ai.
Hebre laika 1:3 hta mung:
Shi gaw Karai Kasang a hpung shingkang a ningchya hte, Shi a gawng shing-yan a hkrang sumla rai nga ai rai nna, Shi a mungga atsam hte yawng mayawng hte hpe bau sin da ai; shut hpyit mara hpe jasan jaseng kau ngut jang, matsaw ningtsang na daru magam a hkra maga de shi dung nga ai nga nna mung tsun da ai.
Shingran laika 19:16 hta mung,
Shi a hpun palawng hte magyi hta, Hkawhkam ni a Hkawhkam, Madu ni a
Madu, nga ai amying ka kap nga ai ngu nna tsun da ai. Anhte a asak hkrung lam hpe Karai Kasang hta daju ka-ang da ai ngu ai lam gaw, galoi mung n shamu shamawt lu ai htani htana a daju ka-ang hpe gaw da ai lam rai nga ai.
Madu hte anhte hkrum zup kanawn ai lam hta, gaw gap ai gaw Hkawhkam ni a Hkawhkam, Madu ni a Madu hta anhte a myit mada ai lam lunghkai hpe shachya mahkai da ai rai nga ai. Madu Yesu sha shi a ga hpe shakang ai. Shi chyu sha, Shi jaw da sai ga sadi hpe shadik ya na re.
Yawhan a shagun Laika langai 2: 17 hta
Dai daw dan ai nhtoi hta e, anhte nden ja ai myit rawng lu hkra dai tsawra ai lam gaw anhte hta e dik wa sai: kaning rai nme law, shi rai nga ai hte maren, anhte mung ndai Mungkan ga e a rai nga ga ai ngu nna tsun da ai. Karai Wa gaw Shi a tsawra ai hte shanu nga ai lam hta anhte machyu nga na hpe ra sharawng nga ai. Karai Kasang a kaba dik ai Tara gaw, anhte galaw ai lam mahkra hte shi hpe tsawra na matu rai nga ai.
Tinang a makau grup-yin na Mungkan lam ni hte shai nna, Yesu hte rau kanawn mazum ai lam gaw, hpring tsup ai asak de yawng ai masing hpe gran ai lam rai nga ai. Madu Yesu hta sha, na a myit mada ai lam hpe tawn da ai lam gaw Mungkan masha ni yu yang mana bu ai zawn gaw rai na re; raitimung, dai hta grau ahkyak ai
n nga sai.
Shinggyim wuhpawng hkan shachyut ai, lu lawm lam, arawng aya hte shagrau shatsaw hkrum ai lam ni hpe makau de da kau ai gaw, ladu shalai dawn jan ai zawn gaw rai na re; raitim, anhte lata, daw dan la na grau lam kaja ai n nga sai. Mungkan ting a hkawhkam wa hpe kangka let daw jau, sak hkrung ai hta grau kaja ai sak hkrung lam n nga sai.
Daini jang, Hkawhkam ni a Hkawhkam, Madu ni a Madu hta, na a hkum hpe shadang tup kalang bai ap nawng da u. Htum mat chye ai dinghta lam ni kaw nna pru wa nhtawm, Karai Kasang a htani htana grin ai Mungdan hpe myit dum nga u.
Nang hkumnan hte mungkan hpe daw jau ai hta grau nna, Karai Kasang hpe daw jau lu ra nga ai; nden ja magrau grang ai myit hpe lu la na matu Karai a Mungga hte shi a tsawra ai hta kam shamyet nga u. Hkristu Hkawhkam gaw na a prat hta ashanu nga u ga.
Akyu Hpyi Ga:
1. Hebre 12:2 hta na Mungga hpe bai sumru yu ga:
Dai Madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tinyeng hkra maga de wa dung nga sai. Yesu gaw, hkrung nga nna, nang hte ni htep nga ai hpe dum u. Shi gaw a hkrung nga ai Karai Kasang rai nga ai.
2. Gara lam ni hta nang Yesu hte rau n matut n mahkai nga ai kun? Gara lam ni hta htani htana asak a malai, dinghta lam ni hta sha hkawm nga ai kun?
3. Madu Yesu hta manoi nga nna, Shi hpe daju ka-ang shatai lu hkra, chyoi pra ai wenyi kaw garum hpyi u- Shi a tsawra ai hte ni htep ai lam, na a prat hpe jahpring ya na matu hpyi u. Na salum kata de Yesu hpe hkap la u. Na a prat hpe shi hta machyu nga lu na lam ni hpe madun ya na matu hpyi nem u.
Kolose 3:1 hta
Dai rai nna, nanhte Hkristu hte rau bai rawt nga ai teng myit yang gaw, Hkristu gaw Karai Kasang a hkra maga e dung nga ai shara na ningtsa arai ni hpe a tam nga mu nga nna rawng nga ai.
French Mung Hkawhkam wa Nepoleon Bonaparte tsun ga ai Alexander Caesar; Charlemagne hte ngai hkum-nan mungdan ni hpe maden yu sai; raitim, anhte a ningtawn mying dan hkung na matu npawt nhpang gaw hpa rai? Ninggun kaba rai nga ai.
Yesu Hkristu gaw tsawra ai ningpawt ninghpang hta shi a Mungdan hpe gaw de da sai; ya aten hta masha wan hku hkan nna, Shi a matu si hkam na jin jin rai nga ma ai. Nang mung, Shi a matu na a asak hpe jaw kau ai du hkra tsawra daw jau na matu shi hpe bu hpun da sani? Dai n rai yang, na a matu chyeju nga nga ai hpe dum ga. Tinggyen akyu n tam ai, daw jau na myit rawng ai Karai Kasang a man e aten man man sa du dung akyu hpyi let hkam la mai nga ai. Na a prat hpe Na a Hkye La Madu a makau e, shinggrup hkawm sa nga yang, Wa Karai a chyeju hta shingbyi ban sa la lu u ga.
