Kalang lang rai jang mung, Hkristan tara shadik ai hta, Katu ai myit hta grau nna, wuhpung nkau mi a shinggan hku mu mada lu ai hkam sha lam hpe, shaleng dan ai ni hte, htunghking ni, shing nrai, dinghkrai hpe shingran jaw shadan dan ai hpe she, ningshawng jaw chye ma ai, jet ai mying dan hkung ai tara shadik ai hte kaja wa matu  ai nre sha, marai hkum hte seng ai makam de shanang ai hte, myit hta hkam sha ai hpe madung dat ai makam ni hpe gayau gumhpawn tawn ai Hkristan Makam Masham sak hkrung lam mung she nga nga ai.

Masha nkau mi, dai shaleng dan ai lam ni hpe masha wuhpung wuhpawng rawt jat lam hte kachyi mi mung nseng hpung masha ni a wenyi lam, gaw gap ai hpe mung akyu njaw ai sha, sharawt ai lam hpe galaw ma ai: amu masa lam langai ngai hta gaw, ja gumhpraw lu na matu, shing nrai, kaga masha ni a ntsa, arawng aya lu na matu rai ma ai, Anhte nmai yu shalai kau ai lam langai mi gaw, lai wa sai shi- ning ladaw n-gaw grup ni a laman, Kahtawlik hpung masha ni tinang a makam masham hkringhtawng hpe htawn shalai a lam hta, hkrat sum yawm mat wa sai lam re, masha law law wa, myit htum myit daw mat mat  nna, Kahtawlik htung lai masa ni hpe, nhkan sharau mat masai hpe ndang kau nlu nga ai, tinang a kasha ni hpe kashin kamun hkam ya na matu, nawku jawng de nwoi sa ai kanu kawa ni law htam wa sai, shanhte hpe gara hku akyu hpyi na hpe mung nsharin ya mat masai.

Kaga makam masham wuhpung wuhpawng ni de htaw pru mat wa ai mung law sai, Ndai zawn daw hka mat wa ai a npawt nhpang ni hta, kun dinghku ni hta shada ga shaga hkat ai galaw na ahkaw ahkang ni nlu ma ai, prat dep matut mahkai jak rai ni e ka-up kau hkrum ai tinang myit ra ai hku hkan nna, shadawn sharam nnga ai sha jai lang ai gaw gat lawk hpe bawt ya nna, matsan ai ni a lapran sasana galaw ai lam nnga ai, anhte a wuhpung ni hta alum ala hku hkau ai lam nnga ai, wuhpung amyu law law shanu nga ai dinghta ga hta makam masham mungsung hta manoi nga ai lam hpe bai hkye lu na matu anhte hta yak ai lam nig aw nga ai.

#catechism

#rvakachinservice