Tsawra ai Nu Wa Hpu Nau ni daini gaw Madu Yesu Hkristu Wudang ntsa e jen noi si hkam hkrum ai Chyoi Pra Ai Manga Ya shani rai nga ai. Shinggyim masha ni gaw shanhte a Karai Kasang hpe zingri zingrat nna sat kau manu ai hpe mau ai hte yawn ai hte anhte hkam sha nga ga ai.
Karai a kasha, Yesu Hkristu gaw anhte a mara majaw nde daram yubak hkam ra ai rai yang shut hpyit mara hpe koi yen kau na anhte myit rawng ra nga ga ai.
Moi shawng de daini na nhtoi hta Madu Yesu gaw Wudang hta noi nga nna mungkan ting a shut hpyit mara raw dat ya na hte hkye hkrang la ai lam lu la u ga matu, Kawa Karai Kasang hpang de hpyi htinglu ya lai was ai. Daini e Yesu hte rau mungkan ting a matu anhte akyu hpyi nga ga.
