Daini na Ja Chyum Mungga hpe hti sum ru yu ai shaloi e, Nazaret mare masha ni Yesu hpe n hkap la ma ai lam hpe na lu ga ai. Shinggyim masha gaw manu dan la ai ni re. Chyum laika hta e anhte a hkum hkrang gaw, Madu Yesu a hkum hkrang re. Anhte a wenyi mung Madu Yesu a wenyi re nga na tsun da nga ai. Hpa majaw nga yang, shinggyim masha hpe hpan ai shaloi Karai Kasang gaw anhte a hkrang bung sumla hte maren, hpan ga ngu dai ni na kabu gara shiga hta mung, tsun da ai lam ka da nga ai re. Anhte ni galaw ai amu shagu gaw, manu dan nga ai.
Anhte yawng tinang a matu ( sh ) tinang a dum nta masha ni a prat, nga pra sa lu na matu, dingman ai hte amu galaw shakut nga ding sa gaw, Karai Kasang ra sharawng ai wa nan rai taw nga sai re. Shing rai dai ni na, madu a kabu gara shiga hta, Madu Yesu hpe lak sama galaw ai dum nta masha ni kaw na sha n rai, nga masha ni tsun ai lam gaw, Madu Yesu a bau ya ai kawa a magam bungli hpe tsun mayu ai lam re hpe mu chye lu nga ai. Dai zawn sha kun ding hku de ai ni yawng hte e tinang a sak hkrung nga pra sa ai aten ladaw ni hta, Yesu Maria Yawsep kun dinghku hpe kasi yu la let sak hkrung nga ga ngu ngun jaw daw lu ga ai.