Daini na Ja Chyum Mungga hpe hti sum ru yu ai shaloi e, masha hkying manga hpe Yesu lusha shalaw jaw sha ai lam hpe na lu ga ai. Shiga madat nu wa ni, Madu Yesu gaw, shi kaw sa wa ai ni hpe shanhte n hpyi shi ai kaw na pyi shanhte hpa ra ai hpe chye ya chyalu rai nga ai. Anhte ni sha shi Madu kaw shani shagu sit sa let asak hkrung chye na ahkyak la nga ai. Karai Kasang gaw nang hpe mu nga ai. Nang hpe chye nga ai. Nang sha, shi madu hpe kam hpa let shakut hkawm sa na sha a hkyak nga ai re.
Kalang lang anhte hta mayak manghkang ni byin hkrum wa ai ten, ja gumhpraw n lu ai ten, manghkang n lu hparan ai ten ni hta, Karai Kasang hpe ni htep ai hku kam hpa ga. Shi anhte hpe lajang ya na re. Kalang ta n mai byin wa ai ten ni hta raitim, myit galu ai hte madu hta tut nawng manoi manat sak hkrung nga sa ai rai yang awng dang lam lu la na re. Karai Kasang gaw, anhte a ntsa galoi e mung mai kaja dik ai wa nan re hpe n mai malap nga ai. Anhte a Madu Karai Kasang gaw muk tawng manga hte Nga lahkawng hte sha raitim, shi a mungga hkan madat ai shawa masha hkying manga hpe hkru hkra alaw ahtam jaw sha lu ai karai kasang re ai hpe n mai malap kau nga ai.