Daini na Ja Chyum Mungga hpe hti sum ru yu ai shaloi e, Chyum laika daw langai kaw na, Unuk hpe Philip kashin kamun jaw ya ai lam hpe na lu ga ai. Ndai kabu gara shiga hpe sumru yu ai shaloi e, (Rom 10:17) kaw, kam sham ai gaw na la lu ai kaw na hpang wa ai rai nga ai. Hkaw tsun ai masha n nga yang, na la na mung n nga ai. Chyoi pra ai wenyi Karai Kasang gaw, kasa Hpilipu hpe shangun dat sai. Prophet Heshaya a chyum laika hpe hti yu nna n chye madat ai hpe tsun sang lang dan shangun ai. Dai chyum laika hta sat kau hkrum ai sagu kasha a lam hpe tsun da nga ai. Kasa Hpilipu dai makau de sit sa wa nna, dai sagu kasha gaw, Madu Yesu re ai lam, shinggyim masha ni yawng a mara a matu si hkrum ai re lam tsun sang lang dan nu ai. Shaloi dai wa gaw kalang ta kam sham wa nna, kashin kamun chyeju hkam la sai rai nga ai.
