2025 ning January shata 12 ya shani Myitkyina Saradaw ginwang a lit hkam Saradaw tai wa sai Wa Saradaw John Mung Ngawn La Sam gaw lai wa sai 4 ning daram lit hkam Saradaw ra kadawn mat ai Myitkyina Saradaw ginwang hta shi Saradaw tai wa ai hpang jau ginwang shagu de sa du nna hpung kawan hkawm ai lam galaw taw ai rai nga ai. May shata laman hta mung Chihpwi jau ginwang, Njang Yang jau ginwang, PLN jau ginwang, Mohnyin jau ginwang hte Katha jau ginwang ni de sa du kawan lai wa ai.
Lit hkam Saradaw ningnan hpe ra kadawn marit nga ai jau ginwang shagu na nawku hpung masha ni mung tinang a jau ginwang de du sa wa ai Wa Saradaw ningnan hpe kabu gara rai hkap tau hkalum la nga ma ai. May shata 18 laban shani PLN jau ginwang de shawng ningnan lang sa du kawan nna PLN jau ginwang na nawku hpung masha ni hte rau Laban Missa Hkungga nawng jau ai. Missa hkungga hta Wa saradaw kaw nna nawku hpung masha ni hpe ndai zawn mungga hkaw tsun n’gun jaw ya sai
May shata 19 ya shani Mohnyin jau ginwang de bai sa du kawan ai. Shawng ningnan Hopin St. Mary nawku jawng wang de du shang wa ai Wa Saradaw hpe Hopin na hpung masha ni hte Amyu shayi hpung ni kaw nna wunpawng htunghking madum sumpyi, yu ngwi mahkawn ni hte hkap tau hkalum la ai. Wa Saradaw kaw nna mung shi hpe hkap tau hkalum la ai majaw kabu chyeju dum ai lam tsun ai hte n gun jaw ga tsun nna akyu hpyi shaman ya ai.
Dai hpang Mohnyin St. Patrick nawku jawng wang de bai du sa wa ai Wa Saradaw hpe hpung masha ni kaw nna wunpawng madum sumpyi, mahkawn yu ngwi ni hte kabu gara hkap tau hkalum la ai. May shata 20 ya jahpawt Mohnyin jau ginwang hpung masha ni hte St. Patrick nawku jawng hta Missa Hkungga jawm nawng ai. Missa hkungg hta hpung masha ni marai ….. mung n’gun shaja chyeju kumla hkam la nna Hkristu a hpyen ma majing ni tai wa sai. Missa Hkungga hta Mohnyin ginwang up jau lit magam hpe galai gun hpai sa wa na rai nga ai Wa jau Paul Nbau Zau Lat hpe lit shatsam ap ya ai lam hpe mung galaw ai. Dai shani Missa Hkungga hta Wa Saradaw kaw nna Karai mungga hkaw tsun n’ gun jaw ai hta
May shata 22 ya shani Katha jau ginwang de bai sa du kawan ai. Katha St. Joseph nawku jawng wang de du shang wa ai Wa Saradaw hpe hpung masha ni kabu gara hkap tau hkalum la ai. Jau ginwang shagu na ginwang up jau ni kaw nna mung Wa Saradaw hpe nawku jawng chinghka lam shawng kaw Hkristu a Udang hpe hpai nna hkap tau la ai. Wa Saradaw mung Udang hpe Apup manam ai hpang nawku jawng kata de shang nna lahput hput di akyu hpyi ai.
May shata 23 ya jahpawt hpung masha ni hte Missa hkungga jawm nawng nna ginwang up jau lit magam hpe galai lit la gun hpai sa wa na rai nga ai wa jau Stephen Supma Sut Awng hpe lit shatsam ap ya ai lam galaw ai. Dai shani hpung masha ni hpe Wa Saradaw hkaw matsun ai mungga gaw Katha jau ginwang hta ya byin nga ai mung masa lam a majaw hkawm wa hkawm sa yak hkak ai lam ni nga ai rai nna jau ginwang ting na hpung masha ni n sa du lawm lu ai lam ginwang up wa jau Peter Lazum Naw Bawk tsun ai kaw na chye lu ai.
