Mai kaja ai amu magam lam ni galaw gun hpai sa wa lu na matu ru yak jam jau jam hkau lam ni hpe dang di lai kau ra ai lam na la lu ga ai.

Daini hpawtni hpa byin na hpe kadai mung  hkrak nchye nga ga ai. Raitimung Karai Kasang hpe kam sham, kam hpa ai myit hte sak hkrung hkawm sa ai lam gaw madung rai nga ai. Zingzi zingrat hkrum ai shaloi, gyit hkang da hkrum ai shaloi masha ni tinang hpe n ju n dawng ai shaloi Karai Kasang a amu magam lam a majaw anhte jahpoi asawng hkrum ai shaloi, myit n hten na matu grai ahkyak nga ga ai.

Anhte Karai Kasang a amu magam lam ni hta ap nawng daw jau lu na matu tengman ai lam ni hta sak hkrung hkawm sa lu na matu Chyoi Pra ai wenyi Karai gaw anhte hpe galoi mung lam woi ya nga ai, chyeju jaw ya nga ai lam hpe daini na kabu gara shiga hta anhte na la lu nga ga ai.