Daini gaw Maria Magdalena a poi nhtoi shani rai nga ai. Maria Magdalena ngu ai kam sham ai num sha gaw Nat ( 7 ) kap hkrum nna machyi makaw jam jau jam hkau hkrum nga ai ten hta Yesu Hkristu hte hkrum nna machyi makaw shamai shatsai la hkrum ai hte Yesu Hkristu a sape majing tai wa ai kam sham ai num sha langai mi rai nga ai.

Shi a makam masham hpe bai yu ai shaloi kam sham ai myit kaba ai, sadi dung ai, tsawra myit kaba ai, magrau grang ai, sasana myit grai rawng ai kam sham ai num sha rai nga ai.

Maria Magdalena gaw Yesu Hkristu Udang hta je noi si hkam hkrum ai shaloi mung n hkrit n gaya ai sha, Yesu Hkristu a Udang nhpang e Chyoi Pra ai Nu Maria hte rau hkrap ngu hkrap ngoi ai num sha ni hta lawm nga nu ai re.