Nanhte a myit salum sanseng let, Karai Kasang hpe hkum shing jawng u. San pra ai Clere shi a prat hta, San Francis Acisi a wenyi lam shaman shakyang lai ladat hte nga sa let, matsan jam jau hkam kyu hpyi ga ni hta ap nawng da nna, man man shakut hkawm sa ai prat hku nna, shi a myit salum hpe san seng na matu tam shakut nga ai. Wenyi lam a pat chyamna ngu ai gaw, shani shagu tinang a hkum hkrang a mabyin lam, san seng lam nga n’ nga chye lu na matu jasan da ai hpe pat hpe zawn yu mada nna, tinang nan galai wa na matu yu mada la ai hpe tsun ai rai nga ai.

 Anhte hpe Karai Kasang a hkrang hte bung hkra hpan da hkrum sai ni anhte yawng, kaga masha ni hpe mung Madu Yesu hpe mu mada lu na matu, pat chyam na ni byin hkra shaga la hkrum ai ni nan rai nga ga ai. Anhte ni kaning re ai masha ni rai nga ai hpe mu chye na matu, udang gaw pat zawn nga taw nga ai re. Shing rai Karai Kasang hte anhte gaw jasam ni n rai. Karai Kasang a hkrang sumla ni rai nga ai. Dai majaw anhte ni shi madu hte seng nga ai ni re majaw, shi hte ni htep ai hku nga sa na lit mung langai hpra lu ga ai re hpe dum let shani  shagu shi Madu a yaw shada ai lam ni hta hkan sa nga ga law.