Madu Yesu gaw ya daini e hten za wa nga ai shinggyim uhpung uhpawng hpe bai rawt hkrung wa na matu lam yan ni hpe tsun dan nga ai. Manghkang langai mi hpe jaw kaja ai hku hparan sa na matu gaw, kahpu kanau shada da tsun sharin shaga hkat ai lam, Zim sha si mani ai hku bai hkrum ra wa hkra shakut shaja ai lam ni rai nga ai. Masha gaw tinang hkrai dinghkrai nga na n mai ai majaw, uhpung uhpawng  hte chye nga hkra ra nga ai.

Shada da a lapran hta e, jahkrum bawng ban na lam yak hkak wa ai a madung gaw, Baw ja ai, galai shai na matu yak hkak ai. Myit malai lu na matu mung myit sharawng awng ai lam n nga ai. Ndai lam ni a majaw rai nga ai. Madu Yesu gaw, shi a kasa ni hpe nanhte yawng kahkyin gumdin let rau jawm pawng nga ai shara kaw ngai nga nga n ngai, ngu n na shi a kasa ni hpe tsun ai rai nga ai. Shiga madat nu wa ni e, tinang a hkum hpe jep dinglik yu ga. Tinang a makau grupyin ni hta e, kaga masha ni kaw lamama ra kadawn ahkyak ai lam ni nga wa yang, kaja ai magam lam ni hte garum shingtau ga ai kun? Bai kaga mayak mang hkang lamma hkrum wa yang Karai Kasang a hpung shing kang hpe kam hpa let kyu hpyi nna tam hparan la nga ga ai kun?