Daini na madu a kabu gara shiga hta, ja ja tsun shadum nga ai gaw, kaja ai galaw nna, n kaja ai hpe koi yen ai hte sha gaw n ngut nga ai. Karai a tara lam hta arung arai ni hpe tsep kawp dawm kau tawn da kau let sha grau kaja ai ni hpe lata la ai hku n re ai sha, anhte a matu madung re ai Karai Kasang a hpung shingkang dan dawng na matu kaja dik lata la chye ai lam gaw ra ahkyak nga ai. Ndai lata la ai lam hta e hkam sharang ai, ap nawng ai lam ni mung nga ra ai.

Raitim tinang a atsam marai hte galaw na matu Karai Kasang gaw n tsun mayu ai. Shi lam shagu hta hkam sharang nna, tawn kau da na ngu ai gaw, shinggyim masha hku nna gaw n mai byin ai ngu ai hpe Madu Yesu hkum nan hkap la nga ai. Raitim mung Karai Kasang a chyeju hte hpung dagu atsam hte gau ngwi ngwi shakut ai rai yang tawt lai lu na teng sha rai nga ai. Dai majaw anhte a myit kraw lawang hta Karai Kasang a matu tut nawng shara nga nan nga ra ga ai.