Htai Ya Ai Wa – Wa Jau Dr. Joseph Gawlu Yung Wa

GA SAN -Chyeju dum shata hta chyeju dum lit baw ai shaloi lang ai arung arai hkum hkra hte simaw simai ni hte lit baw ma ai…Nkau mi gaw, yi sun na lu ai simaw simai ni hpe bang ai hpe sha chye ai.

HTAI – Tinang a yi, su, hkauna kaw na pru ai nsi naisi, u, wa yam nga ni hpe Karai Kasang hpang de chyeju dum let sak jaw ai rai nga ai.  Ja gumhpraw lu ai ni mung dai the maren jaw ma ai.  Yang jahkum bang ra ai ngu ai gaw n nga ai. 

GA SAN -Bai nna, Lu Sha Gam Ladaw Bat 5 ya shani, wudang kawan ai shaloi, dung rawt n galaw ai sha hputdi nna sha, sa-ra (14) hpe kyu hpyi shangut mai ai kun?

HTAI – Madu Yesu a Nni Nkri hkrum ai sumla sara ni nga ai rai yang, dai ni hpe langai hpang langai yu let, myit sumru hkungga jaw akyu hpyi ai gaw grau lachyum pru akyu rawng nga ai.  Yesu tinang awudang hpai let, Yerusalem mare lam ni hpe shinggrup nna Kalwari kawng de lung wa ai hpe shingran pra pra mu lu na matu kawang akyu hpyi ai rai nga ai.  Gara hku hpyi na rai tim, tinang the htuk manu ai hku mai nga ai.

SAN AI WA – Laiza Jau Ginwang, Je Yang IDPs camp hta shanu nga ai, Asumpta Maru Lum Ban