Madua nhte hpe tsun mayu ai hpe, mungga hta madat la nna,Cyoipra ai Wenyi e galai shai ya na hpe hkam la na matu madat ai lam alak mi nga ai, Dai hpe anhte Lectio Divina ngu ai. Dai hta Karai Kasang a mungga hpe akyu hpyi let, hti nna anhte hpe myit jahtoi prat galai shangun ai lam lawm nga ai.
Dai zawn akyu hpyi let, chyum laika hti ai gaw, chyum mungga hkaw na wa, dai chyum mungga a lachyum madung hpe lu na matu hti hka ja ai hta lawm ra ai, dai sharin hka ja ai hpe shawng galaw nna she, dai mungga gaw tinang a prat hpe gara hku tsun nga ai ngu ai hpe maram la mai nga ai, Chyum mungga daw hpe wenyi sak hkrung lam a matu hti ai shaloi, laika a lachyum hpe shawng chye madat ai hte, hpang ra ai, dai nrai yang, chyum daw a lachyum hpe anhte shadu ail oi ai maga de shawng e anhte daw dan da sia lam ni hpe madi shadaw ya na matu, anhte myit shakyaw la ai hte htuk hkra, byan la mat wa na re, jahtum e gaw, chyoi pra ai arai langai hpe anhte a akyu amyat a matu jai lang nna, dai shanut shanat re ai hpe Karai Kasang a amyu sha ni hpang de htawn shalai ya na ra ai, Anhte galoi mung n mai malap ai, dai gaw, “Kalang lang, satan pyi nhtoi a kasa zawn makoi magap chye ai” ( 2Kor 11:14 )
#Catechism
#rvakachinservice