Daini poi n’htoi ang ai San pra ai Augustine gaw Madu Yesu sha jet ai tengman ai wa re. Lam mung re ngu hkap la nna, jet ai pyaw hpa lam mung dai madu hte jawm pawng nna sak hkrung yang sha lu la mai ai nga tsun dan nga ai. Karai Kasang a jet ai shangun ma ngu ai gaw, Karai ra sharawng ai hpe hkan sa n na, anhte byin mayu sharawng awng ai lam hpe Madu Karai kaw hpyi nem ai n re ai hpe shi chye na wa ai. Bai shi a manang ni gaw, dai zawn re hkam la chye ai hpe nyan rawng ai wa hkap la ma ai.

 St. Augustine a lai wa sai aten ladaw na zawn, Ya anhte a prat hta e mung wang lu wang lang lam hpe gara hku sung lang na ngu ai gaw grai nan ahkyak la nga ai. Dai majaw sadi dung ai Karai a shangun ma ni byin wa na matu anhte a wang lu wang lang lam awng dawm lam hpe masing kaba hte akyu rawng ai hku sung lang chye na a hkyak la nga ai. Dai re nna, nanhte a Madu gara nhtoi e du wa na hpe nanhte n chye ai majaw, a maja nga mu. Ndai lam hpe hkrak chye la mu. Nta madu gaw shana gara ahkying hta lagut su sa na hpe tau chye da ai rai yang, shi a nta tawk waw nhkrum hkra, shi maja nga na rai nga ai. Dai hte maren nanhte n tak ai ahkying ten hta Masha kasha du sa na re majaw, nanhte mung shajin nna maja nga mu.