Rosary gaw hti, masu magaw hkrai tsun, bai chyaru tsa hpai let tara mungga hkaw tsun na n mai nga ai. Dai majaw kasi ningli kaja ni madun na wa gaw, ritkawp tara hte madu a laikyang nga sat nga sa ai lam gaw grai nan ra ahkyak kaba la nga ai.

Ndai hpan lahkawng hpe gaw, jahpai nna e galaw la mung n mai nga ai zawn, kaga wa e galaw ya na mung n mai byin nga ai. Tinang naw kaji ai ma prat kaw nna nan shani shagu man man galaw shaman la ra ai lam re. Dai majaw e naw kaji ai kaw na ritkawp tara hkan lang ai lam gaw, madu a kyang lai len hpe yat yat e bau rem maka la ai nan re. Shiga madat nu wa ji n ban yawng hte e, ndai ritkawp tara ngu ai gaw, shinggyim masha langai mi a manu dan ai lam rai nna, madu a a kyang lai len gaw masha a manu dan ai lam nan mung rai nga ai majaw, anhte yawng mung manu dan ai masha ni byin tai nga hkra lai kyang kaja ai hte sak hkrung hkawm sa nga ga law.