Hkristan n rai timmung, nawku hpung hpe myit sharawng ai ni, laili laika hkaja ai ni hte chyum mungga hti la nna, Karai Kasang a lam hpe chye la lu ga ai. Moi ga shaka ding sa hpe laksan sawk sagawn wa ai ning hkring ni mung, Madu Yesu a lam hpe chye ma ai. Dai lam ni mahkra gaw laika hta hti hkaja la lu ai rai nga ai. Bai Karai Kasang hte seng ai hpaji ni hpe sawk sagawn da ai ninghkring ni n kau mi mung, ngai tsun ai Karai Kasang a lam gaw grau jaw nga ai re nga nna, tsun ndau chye ma ai.

 Dai lam mung Bawnu hku nna chye la ai lam rai nga ai. Raitim mung, grau ahkyak ai gaw myit salum kata hta e chye na la na mahtang grau ra ahkyak nga ga ai re. Anhte ni teng sha chye ra ai gaw, Nye a wa gaw anhte a kun dinghku hpe gara hku bau yu lanu lahku maka nga ai. Bai nye a nu gaw, anhte hpe kade ram tsawra ai ngu ai hpe e, ta tut hkam sha chye lu ai zawn, Madu Karai Kasang hpe chye na na matu mung ra ahkyak nga ai. Shingrai shiga madat nu wa ni e, (2 timati 1:12) hta e kasa Paulu gaw anhte nang ngai yawng hpe ja ja tsun shaleng shadum da ai zawn, Ngai gaw, kadai hpe kamsham kam hpa nga let, sak hkrung nga ai hpe ngai chye ai. Anhte yawng mung ndai zawn lu tsun hkra shakut sa nga ga law.