Madu a kabu gara shiga hta e lamu kasa kaba wa Michael gaw, nat tsadan kaba wa Lucihpe hpe kasat dang kau lu ai rai nga ai. Bai Yawhan a shingran laika (1: 17) hta e, Lamu kasa Gabriel gaw, Karai Kasang shangun ai kabu gara shiga hpe sa du htawn tsun shana ya ai. Kasa (LK 1: 26) hta ka da ai hte maren, Lamu kasa Rahpael gaw Myit kyaw ai wa hpe tsi shamai ya ai rai nga ai. Dai zawn sha shiga madat nu wa hpu nau ni e, anhte yawng gaw tsawm htap ai hpe ra sharawng ai ni hkrai sha n rai nga ga ni?

 Dai majaw daini na kabu gara shiga hta e, tsawm htap lam hpe ra sharawng ai ni a matu ladat kaja ni nga nga ai re. Dai gaw nang ngai n-gup nten, tsawm mayu ai rai yang, kaja ai ga si ga ngau ni hpe sha lata la nna, tsun shaga nga u da. Lamu kasa Gabriel zawn, na a myit tsawm htap mayu ai rai yang, kaga masha wa a kaja ai mabyin ni hpe lata nna yu yu u. Dai majaw anhte mung Lamu kasa Rahpael zawn, shakut hkan sa nga ra ga ai. Bai na a hkum hkrang mahkra tsawm htap mayu yang gaw, Myit masi kaja hkra shakut hkan sa nga ra na grai ahkyak la nga ai. Shingrai kasa Michaelu zawn, tinang a myit kraw kata hta, n hkru n kaja ai nat tsadan hpe shara n jaw let, tutnawng shakut sa nga ga law.