Htai Ya Ai Wa – Wa Jau Joseph Gawlu Yung Wa

Ga San –     N-gun Shaja Chyeju Kumla (Sakramentu) hpe lai wa sai shaning (10) ning jan hta Nba Pa e galaw ai Pasaka Poi hta shawa hte rau hkam la sai; rai tim, chyoi pra mying mung malap kau ai, lekmak mung n lu ai.  Kalang bai hkam ra ai kun?

Htai: Benedet Lazing Htu Ting e, N-gun Shaja Chyeju Kumla hpe hkam la ai a yaw shada lam madung gaw – Yesu Hkristu a sakse majing tai wa nna, Nawku Hpung hta kup tsup ai hku shang lawm jawm pawng wa hkra Chyoi Pra ai Wenyi a kumhpa ni hpe hkam la na matu rai nga ai.

Dia gaw, anhte wenyi hta kung hpan wa ai, myitsu wa ai lam rai nga ai.  Anhte hkam la tawn sai Kachin Kamun gashaka ni hpe kalang bai tawn da nna, dai gashaka ni hpe hkan shadik sak hkrung let, Madu Yesu Kabu Gara Mungga hpe shachyam shabra lu na matu rai nga ai.

Tinang a chyoi pra mying hpe malap kau ai, lekmat hpe shamat kau ai lam ni gaw byin chye nga ai.  Dai hpe tinang N-gun shaja hkam la sai shara na Tara Hkaw sara ni, Ginwang Up jau ni kaw garum hpyi nna bai lu la mai nga ai.  Chyeju Kumla hpe gaw kaga mi bai n hkam la ra sai, ngu nna htai ya dat lu ai.

San Ai Wa- Wai Maw Jau Ginwang, Ja Pu mare hta nga lai wa nna, ya, Shwe Zet Hpung Lawk (4) hta shanu nga ai, Jan Benedet Lazing Htu Ting