Karai Kasang kaw akyu hpyi ai shaloi e, Madu a ra marin ai myit, pawt sindawng ai, gumrawng gumtawng ai myit jasat hpe tawn kau nna, Madu Karai hpe madung da let masha yawng a akyu a matu, akyu hpyi ya na grai ra nga ga ai. Akyu hpyi ai ngu ai hta akyu hpyi ai wa a myit masin Karai Kasang kaw du yang e akyu hpyi ngu mai tsun nga ai. Karai Kasang hpe myit htep hkrum shaga ai hte Karai Kasang a ra sharawng ai lam hpe tam sawk sagawng galaw sa ai lam ni mung, akyu hpyi ai lam nan rai nga ai. Dai re ai majaw akyu hpyi ai ten hta, kam sham ai myit, shagrit shanem ai hte n’gun atsam dat dating let myit lawm ai hte shakut shaja ai hte akyu hpyi ra ai.