Masha langai mi hta masha ni mu ya lu ai shinggan lam (Public life) hte tinang a hkum hte wenyi lam madun ya ai wa jau ni chyu sha chye ya lu ai, kata lam (private life) ngu ai nga ai re. Ndai lahkawng yan gaw ahkyak nga ai. Shinggan lam kaw na sa wa ai masha langai mi a kanawn mazum lam, galaw tsun shaga ai sat lawat ni gaw masha ni a kraw kata hpe hkra machyi ya lu ai zawn, myen ga malai nga ai hte maren myit hpe ahtu hkra yang, hkum hkrang hpe mung hkra machyi ayai mat kau lu ai nga ai.

Masha a myit kraw kata lam gaw masha hkum hkrang a shinggan lam hpe mung dingbai dingna jaw ya nga ai hpe tsun shadum ai lam re. Dai re ai majaw shinggyim masha a hkum hkrang hta shinggan ntsa lam sha n rai, myit masin kata lam de mung san seng tsawm htap nga sa chye hkra tut e sadi ra ga ai. Ya daini Hparishe ni gaw, hkum hkrang jasan jaseng na chyu sha madung da galaw sa chye nga ma ai. Raitim ra ahkyak ai gaw myit masin kraw kata dingman ding hpring ai, tsawra matsan dum chye ai, myit kraw san seng ai lam ni hpe ahkyak n chye da ai ni law nga ga ai. Dai majaw Madu Karai gaw, ntsa lam hkum hkrang hpe sha hpan da ya ai n rai ngu nna, hparishe ni hpe madi madun tsun da nga ai re.