Marian Jubilee Missa hkungga hta, Wa Sarabyin Leo XIV gaw, shi a Kasha Yesu Hkristu hpang de kayin wa nna, shi a hpang hkan nang na matu, tsawm htap ai kasi ningli hpe, Chyoi Pra ai Kanu Maria hpe kasin yu la na matu, kam sham ai hpung masha ni hpe saw shaga da nga ai.
“Anhte a makam masham hpe n-gun jaw ya ai Maria wenyi(Marian Spirituality) lam gaw Yesu hpe madung tawn da ai” nga nna Wa Sarabyin Leo XIV , Vatican hta Laban jahpawt Maria Wenyi lam a Jubilee Missa hkungga nawng jau ai shaloi, kam sham ai hpung masha ni hpe shadum da nga ai.
Marian devotion gaw Kabu Gara Shiga hpe daw jau ai hte kam sham ai ni hpe hpring tsup ai prat hpe sak hkrung hkawm sa lu hkra karum ya ai lam Wa Sarabyin sang lang dan ai.
“Marian wenyi lam gaw Kabu Gara Shiga a magam bungli hta rai nga ai: dai gaw asan sha re ai lam hpe hpaw shadan dan nga ai,”
Marian Wenyi lam a madung shiga
Marian wenyi lam gaw Maria a sape tai ai hpe kasi la ai hku nna Yesu hte grau ni htep wa shangun ai, grau nna shi a shani shagu na sak hkrung lam hta Karai Kasang hpe myit sumru, kam hpa, Karai Kasang a ga hpe madat mara, htan ya lu ai atsam hpe kasi la mai ai.
Kam sham ai ni hpe God’s saving work hte matut mahkai ya nna, shagrit shanem ai, matsan dum lama ai, tara rap ra ai, matsan mayan ni hpe daw jau ai hpe n-gun jaw ya ai.
Mari a kasi ningli
Nu Maria Karai Kasang hpe “rai sa” ngu ai gaw kalang sha tsun ai, galaw ai lam n rai, shani shagu makam masham hpe bai gram lajang ai lam rai nga ai.
Shi a Magnificat hta mungkan manu dan ai lam ni hpe galai shai kau ai — grit nem ai ni hpe sharawt nna gumrawng gumtawng ai ni hte n-gun ja ai ni hpeshagrit kau ai lam hpe madi madun da ai.
Nu Maria gaw shagrit shanem ai hte matsan dum myit hpe hkrang shapraw dan ai rai nna, dai hpe Wa Sarabyin gaw gawng kya ai lam n re ai sha n-gun atsam ngu nna ahkyak shatai tsun da ai.
Sadi jaw ga hte mayak mahkak ni
Wa Sarabyin Leo gaw, shinggyim masha ni a tsin-yam tsindam hpe n gawn n sawn di ai (sh) kaga masha ni hpe n shalawm ai — grau nna matsan mayan ni hte shingdu tawn da hkrum ai ni hpe n kabai da na matu sadi jaw da ai.
Shi gaw tara jeyang ai (sh) garan ginhka ai byin wa ai makam masham amyu myu hpe sadi jaw ai, manggang kap ai masha marai shi a ga shadawn hpe lakap nna chyeju hpe gara hku hkam la lu tim, n htang lu ai lam hpe madi madun dan ai.
Shinggyim wuhpawng hte wenyi lam hta galai shai ai lam
Teng man ai Marian nawku daw jau ai lam gaw, tara rap ra ai hte simsa lam hpe shadut ya ai matsan dum lama ai lam de woi sa ya ai.
Wa Sarabyin gaw, daini na mungkan hta Hkristan wenyi lam hpe bai gram lajang na matu n-gun atsam langai hku nna Hkristan wenyi lam hpe bai gram lajang na matu saw shaga da ai.
Anhte a prat hpe Nu Maria kaw apnawng da ga
Jubilee gaw poi galaw ai hta grau ai — Myit malai wa na, myit sumru na, galai shai wa na matu saw shaga ai lam rai nga ai.
Wa Sarabyin gaw Nawku Hpung hpe Nu Maria kaw ap ya let, masha yawng hpe hkye hkrang la ai lam a npawt rai nga ai Yesu hpang de matut nna woi sa wa lu na matu akyu hpyi ya nga ai.
Marian wenyi lam gaw ap nawng daw jau ai lam sha n rai — Maria zawn asak hkrung na matu shaga la ai lam rai nga ai, makam masham, matsan dum myit, tara rap ra ai lam hte daw jau ai lam hpe ap nawng ai lam ni rai nga ai.