Laban shani gaw, Madu Karai a chyeju ni hpe myit dum let, nawku daw jau akyu hpyi na ninghtoi ngu yawng gaw chye madat la ga ai. Dai hta n ga laban shani gaw mai kaja ai lam ni galaw nna, kaga masha wa hpe tsawra myit madun ya ai shani mung rai nga ai. Kaja wa nga yang, nawku hpung a akri madung hkan sa ra ai tara ni gaw, tsawra myit hta gaw gap da ai tara lam madung nan rai nga ai. Shingrai laban shani hta, Nat shung nna, shaning grai na hkra rai machyi taw nga ai re.

Dai num hpaw mi langai hpe Karai Kasang a tsawra myit hpe madun ya ai. Tara jawng na hpa-awn wa gaw Yesu hpe pawt nga ai. Raitim mung Madu Yesu gaw, laban shani e shanhte lu ai dusat ni hpe yu gawn lajang nna, n si hkra jaw lu jaw sha ra chye ai. Ndai shanhte a kaja jahpai ai myit jasat ni hpe madi madun ya sai rai nga ai. Shanhte lu ai rung rai ni hte dusat dumyeng ni a ntsa e gaw, grai tsawra manu shadan ai lam madun dan nna, Karai Kasang a kashu kasha ni a ntsa e gaw, tsawra myit n lu madun ya ai lam ni gaw, shanhte hpe masha ni gara hku hkap la lu na i. Shanhte tsun ai hte ta tut hkan galaw ai lam ladat ni gaw kaga ga byin taw nga ai rai yang shanhte hpe hkap la chye madat ya na matu gaw grai yak la nga ai. Shing rai anhte mung madu tsun ai hte ta tut galaw sa wa ai lam hta dingman ai hku tsun shaga nga sa chye hkra shakut sa ga law.