Myitkyina Sasana Sagurem Wa, Wa Saradaw John Mung Ngawn La Sam, Shawng Ningnan Lang Ka Maing Jau Ginwang, Sagu Hpung Masha Ni Hpang De, Sa Du Gawan Ninggun Jaw
25 Oct, 2025 ( Bat 6 Ya ) shana de daw, 3:30 pm aten tup hta, Kamaing Jau Ginwang, Holy Family Nawku Jawng Wang hta, ginwang up Wa Jau Robert Hpauyam La Wawm hte sagu hpung masha ni wuwu didi rai, Wunpawng htung hking magun shat lit ni hte rau ,du sa wa ai, Wa Saradaw John Mung Ngawn La Sam hte rau Wa Jau Dr.Peter Hka Awng Tu, Wajau Jerome Nding La Raw ( Saradaw rung amu madu) ni hpe, hkalum la ai lamang hpe galaw la lu saga ai.
Myitkyina Sasana Sagurem Wa, Wa Saradaw John Mung Ngawn La Sam, Shawng Ningnan Lang Ka Maing Jau Ginwang, Sagu Hpung Masha Ni Hpang De,,Sa Du Gawan Ninggun Jaw Lai Wa Ai Hta
26 Oct, 2025 ( Laban ) ya jahpawt 9:00 Am aten tup hta, Wa Saradaw Joh Mung Ngawn La Sam woi awn let, ginwang up Wajau Robert Hpauyam La Wawm, Wajau Dr.Peter Hka Awng Tu, Wajau Jerome Nding La Raw ni shang lawm let, Missa Hkungga hpe nawng jau ya lai wa sai rai nga ai,
Missa Hkungga hta, Wa Saradaw John Mung Ngawn La Sam Hte, Wajau Kaba Dr.Peter Hka Awng Tu ni kawn woi awn let, Kamaing Jau Ginwang kata nga nawku hpung masha Marai -107 Tup hpe mung, N’gun shaja Sakrementu hpe jaw ya sai mung rai nga ai.
Ndai Kamaing Jau Ginwang gaw, Myitkyina Saradaw Sasana, Mohnyin Zone kata jau ginwang ( 5 ) hta langai mi mung rai nga ai rai nna, Mare Kahtawng ( 16 ) Sara Gaiwang ( 16 ) rai nna,, Hpung Htinggaw ( 590 ) hpung masha ni -2025 ning hpung jahpan hku rai jang ( 3431 ) nga nga ai lam hpe mung chye lu ga ai
Bai, Kamaing Jau Ginwang Ginjaw rai nga ai Chyoi Pra Htinggaw Nawku Jawng gawgap la lu na matu mung hkyen lajang nga sai lam matut chye lu ai
Jau Ginwang kata sasana magam gun nga ai ni gaw, Ginwang Up Wajau hte rau, St.Francis Xavior Mama ni marai -3, Tarahkaw Sara/Num ni – 21, Hpung Tau Ni – 18, Sasana Ma Hpung Sara/Num -28 hte, Ma Shalet Sara/Num -11 nga ai lam chye lu ga ai.
